ខេត្តបន្ទាយមានជ័យ:ក្រុមចលនាយុវជនកម្ពុជា ១៥៧ សាខាខេត្តបន្ទាយមានជ័យ ដែលបានជួយឧបត្ថម្ភអង្ករចំនួន ១តោន, មីចំនួន ១០០កេស, ទឹកត្រី ចំនួន
ក្រុមចលនាយុវជនកម្ពុជា ១៥៧ សាខាខេត្តបន្ទាយមានជ័យ ដែលបានជួយឧបត្ថម្ភអង្ករចំនួន ១តោន, មីចំនួន ១០០កេស, ទឹកត្រី ចំនួន ១០០យូរ, ទឹកស៊ីអ៊ីវចំនួន ១០០យូរ, ត្រីខចំនួន ១០០យូរ, ទឹកសុទ្ធចំនួន ១០០កេស, ខ្ទឹមសចំនួន ៥០គីឡូក្រាម, ភួយចំនួន ១០០ភួយ, ប្រេងឆាចំនួន ៥០ដប និងនំប៉័ងចំនួន ១,០០០ដើម ជូនដល់រដ្ឋបាលខេត្តបន្ទាយមានជ័យ សម្រាប់ចែកជូនកងកម្លាំងប្រចាំការឈរជើង តាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រខេត្តបន្ទាយមានជ័យ។
ក្នុងនាមរដ្ឋបាលខេត្ដឯកឧត្តម អ៊ុំ រាត្រី អភិបាលនៃគណៈអភិបាលខេត្ត ក៏បានថ្លែងអំណរគុណដល់ក្រុមចលនាយុវជន ១៥៧ សាខាខេត្តបន្ទាយមានជ័យ ដែលបានចំណាយថវិកាធនធាន ឧបត្ថម្ភដល់កងទ័ព ដែលកំពុងឈរជេីងការពារបូរណភាពទឹកដី នៅតាមបន្ទាត់ព្រំដែន។ ឯកឧត្ដម ជូនពរដល់ក្រុមការងារទទួលសុខភាពល្អ មាំមួនកម្លាំងកាយពលមាំមួន និងជួបប្រទះតែពុទ្ធពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
