ប៉ុស្តិ៍.ប៉ោយប៉ែត នៅថ្ងៃចន្ទ ១កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៥ ខែសីហា ឆ្នាំ២០២៤ វេលាម៉ោង០៩:០៩នាទីព្រឹក ប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានបែងចែកកម្លាំងមួយចំនួនទៅចូលរួមសហការជាមួយរដ្ឋបាលខេត្តបន្ទាយមានជ័យ និងក្រុងប៉ោយប៉ែត ព្រមទាំងរៀបចំធ្វើពិធីវាយគង ជួង ទះប៉ោត ត្រដោក និងលោតឆៃយ៉ាំ នៅក្រោមអគារថ្មី ដើម្បីអបអរសាទរមហាព្រឹត្តិការណ៍ជាប្រវត្តិសាស្ត្រការបើកការដ្ឋានសាងសង់ ព្រែកជីកហ្វូណនតេជោ ដែលជាគំនិតផ្ដួចផ្ដើមប្រកបដោយចក្ខុវិស័យរបស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ។ ក្នុងព្រឹត្តិការណ៍នេះប៉ុស្តិ៍ក៏បានអញ្ជើញនគរបាលអន្តោប្រវេសន៍ថៃ ច្រកទ្វារព្រំដែនអន្តរជាតិ បានខ្លងលឹក ស្រុកអារញ្ញប្រាថេត ខេត្តស្រះកែវចូលរួមអប់អរសាទរផងដែរ ។