ខេត្តកំពង់ធំ:
អនុវត្តន៍តាមបទបញ្ជារបស់លោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំ និងដោយមានការសម្របសម្រួល ពីឯកឧត្តម រស់ សារ៉ាំ ព្រះរាជអាជ្ញា អមសាលាដំបូងខេត្តកំពង់ធំ ។ នៅរសៀលថ្ងៃទី០៦ ខែមិថុនា ឆ្នាំ២០២៤ លោកវរ:សេនីយ៍ត្រី គង់ ជាន ប្រធានមន្ទីរស្រាវជ្រាវ និងបង្ក្រាបបទល្មើស កងរាជអាវុធហត្ថខេត្តកំពង់ធំ មធ្យោបាយ រថយន្ត១គ្រឿង បានដឹកនាំកម្លាំងជំនាញ សហការជាមួយ
កម្លាំងមូលដ្ឋាន អ ហ ស្រុកបារាយណ៍ មធ្យោបាយរថយន្ត០១គ្រឿង ដឹកនាំដោយ លោកវីរសេនីយ៍ទេា ឃុន ប៊ុនហួរមេបញ្ជាការមូលដ្ឋាន អ ហ ស្រុកបារាយណ៍ បានចុះបង្ក្រាប ករណីឆ្លងដែនដោយខុសច្បាប់ នៅចំណុចភូមិអូរសួស្ដី ឃុំបារាយណ៍ ស្រុកបារាយណ៍ ខេត្តកំពង់ធំ ។
* លទ្ធផលឃាត់ខ្លួនជនសង្ស័យបានចំនួន ០៣នាក់ ជនជាតិចិនចំនួន២នាក់ (ស្រីចំនួន១នាក់)ឆ្លងដែនដោយខុសច្បាប់និងជនជាតិខ្មែរចំនួន១នាក់ជាអ្នករត់តាកស៊ី មានឈ្មោះដូចខាងក្រោម÷
១.ឈ្មេាះ ស៊ី ហ៊ូពីង ភេទប្រុសអាយុ ២៧ឆ្នាំមុខរបរមិនពិតប្រាកដ រស់នៅ ខេត្ត ខ្វាងទុង ប្រទេសចិន
២.ឈ្មោះសួរ ខូយមីង ភេទស្រីអាយុ ៣០ ឆ្នាំមុខរបរមិនពិតប្រាកដ រស់នៅខេត្តហ៊ូជាន ប្រទេសចិន
៣.ឈ្មោះសុខ សំអាតភេទប្រុសអាយុ ៤៦ ឆ្នាំមុខរបររត់តាក់ស៊ី រស់នៅភូមិទី១៥ សង្កាត់ស្រះចក ខណ្ឌដូនពេញ រាជធានីភ្នំពេញ
* ចាប់យកវត្ថុតាងរួមមាន
១ .រថយន្តចំនួន០១គ្រឿងម៉ាកtoyota ហៃលិនដឺ ពណ៌ក្រហម ក្រម៉ៅពាក់ស្លាកលេខភ្នំពេញ២AQ ៧៩៩០ស៊េរីឆ្នាំ ២០២៣និងទូរសព្ទដៃចំនួន ០៣ គ្រឿងម៉ាក់ iphoneចំនួន ០២ ពណ៌ផ្កាឈូកចំនួន០១គ្រឿងពណ៌ខ្មៅចំនួន០១គ្រឿងនិងម៉ាកហូណូ ចំនួន០១គ្រឿង។ជនសង្ស័យនិងវត្ថុតាង បញ្ជូនមកកាន់បញ្ជាការដ្ឋានកងរាជអាវុធហត្ថខេត្តកំពង់ធំ កសាងសំណុំរឿងតាមនីតិវិធីបញ្ជូនទៅអយ្យការអមសាលាដំបូងខេត្តកំពង់ធំដើម្បីបន្តនីតិវិធី ។មួន រិទ្ធីយ៉ា(៩៥)