ថ្ងៃច័ន្ទ ទី១៧ ខែមិថុនា ឆ្នាំ២០៥០
គេហទំព័រ នាគមាសទំនាក់ទំនងលេខ:0977007424
អាវុធជាច្រើននៅក្នុងផ្ទះមួយកន្លែងក្នុងឃុំតាប៉ុនត្រូវបានសមត្ថកិច្ចឆែកឆេររកឃើញ
Wed,05 June 2024 (Time 04:07 PM)
ដោយ ៖ (ចំនួនអ្នកអាន: 56នាក់)

ខេត្តបាត់ដំបង :
សមត្ថកិច្ចសុំដីកាឆែកឆេរ និងរកឃើញអាវុធនិងគ្រាប់រំសេវជាច្រើនប្រភេទនៅក្នុងផ្ទះមួយកន្លែងនាឃុំតាប៉ុន ស្រុកសង្កែ ខេត្តបាត់ដំបង បន្ទាប់ពីមានតម្រុយមកពីខេត្តព្រះសីហនុ។       កាលពីថ្ងៃទី ៤ ខែមិថុនា ឆ្នាំ២០២៤ វេលាម៉ោង ២ រសៀល ដោយមានការអនុញ្ញាតពីលោក សៀង សុខ ព្រះរាជអាជ្ញាអមសាលាដំបូងខេត្តព្រះសីហនុ និងមានការសម្របសម្រួលពីលោក ទុគ វីនិត ព្រះរាជអាជ្ញារងអមសាលាដំបូងខេត្តបាត់ដំបង ផងនោះ ទើបកម្លាំងស្នងការដ្ឋានខេត្តព្រះសីហនុ ដឹកនាំដោយលោកឧត្តមសេនីយ៍ត្រី ណុប បញ្ញា ស្នងការរងទទួលផែនព្រហ្មទណ្ឌនៃស្នងការខេត្តព្រះសីហនុ បានធ្វើការសហការជាមួយលោកឧត្តមសេនីយ៍ត្រី លីម ពុទ្ធីឡា ស្នងការរងទទួលផែនព្រហ្មទណ្ឌនៃស្នងការខេត្តបាត់ដំបង បានដឹកនាំកម្លាំងចុះធ្វើការឆែកឆេរទៅលើលំនៅដ្ឋានមួយកន្លែងដែលម្ចាស់ផ្ទះមានឈ្មោះ សាន់ ភ័ណ្ឌ ភេទស្រី ស្ថិតក្នុងភូមិសម្ដេច ឃុំតាប៉ុន ស្រុកសង្កែ ខេត្តបាត់ដំបង។
បន្ទាប់ពីសមត្ថកិច្ចបានបង្កើតគណៈកម្មការ ដើម្បីធ្វើការឆែកឆេរទៅលើលំនៅដ្ឋាននេះ និងដោយមានការឯកភាពពីស្ត្រីដែលជាម្ចាស់ផ្ទះផងដែរ។ ដោយនៅជំហានទីមួយគឺធ្វើការឆែកឆេរទៅលើបន្ទប់ផ្ទាល់ដីសមត្ថកិច្ចបានរកឃើញ 
១.អាវុធវែងម៉ាក AK47 ចំនួន ៥ ដើម (ស្វាយបត់)
២.អាវុធវែងម៉ាកAK47 ចំនួន ១ ដើម
៣.អាវុធវែងម៉ាក M16 ចំនួន ១ ដើម
៤.អាវុធវែង ម៉ាក M4 ចំនួន ២ ដើម 
៥.អាវុធវែងម៉ាក THUNDER X ចំនួន ១ ដើម 
៦.អាវុធវែងម៉ាក скс ចំនួន ១ ដើម (កាត់ស្វាយ)។
៧.អាវុធវែងប្រើខ្យល់ ចំនួន ៣ ដើម
៨.អាវុធខ្លី ម៉ាករ៉ូឡូ ចំនួន ១ ដើម
៩.បង់ AK ចំនួន ២៩ បង់
១០.បង់ M16 ចំនួន ១៤ បង់
១១.គ្រាប់មួយចំនួនធំ មាន០៥ ប្រភេទ (គ្រាប់ AK47, គ្រាប់ M16, គ្រាប់ 9MM, គ្រាប់ 22, គ្រាប់ 380, និងគ្រាប់សំណរមួយចំនួន)
១២.សម្ភារៈ កែច្នៃអាវុធមួយចំនួន ។
ជំហានទី ២ សមត្ថកិច្ចបានបន្តធ្វើការឆែកឆេរនៅបន្ទប់ផ្នែកខាងលើមាន៖
១ អាវុធវែង ម៉ាក AK47 ចំនួន ០៣ ដើម (ស្វាយបត់)។
២-អាវុធវែង ម៉ាក M16 ចំនួន ០៣ ដើម ។
៣-អាវុធវែង ម៉ាក AK47 ចំនួន ០២ ដើម ។
៤-អាវុធវែង បាញ់សត្វ ចំនួន ១៦ ដើម ។
៥-អាវុធវែង ប្រើខ្យល់ ចំនួន ០២ ដើម។
៦-សម្ភារៈ កែច្នៃអាវុធមួយចំនួន ។
៧-កម្លាំងសមត្ថកិច្ចបានធ្វើការឃាត់ខ្លួនឈ្មោះសាន់ ភ័ណ្ឌ ភេទស្រី យកទៅស្នងការដ្ឋាននគរបាលខេត្តព្រះសីហនុ ធ្វើការសួរនាំ ដោយក្រៅពីវត្ថុតាងខាងលើ សមត្ថកិច្ចយើងមិនបានដកហូតសម្ភារអ្វីផ្សេងទៀតឡើយ ៕
មួន រិទ្ធីយ៉ា(៩៥)

ព័ត៌មានគួរចាប់អារម្មណ៍

លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)

ព័ត៌មានគួរចាប់អារម្មណ៍

ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)

ព័ត៌មានគួរចាប់អារម្មណ៍

ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)

ព័ត៌មានគួរចាប់អារម្មណ៍

រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)

ព័ត៌មានគួរចាប់អារម្មណ៍

មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()

វីដែអូ