ខេត្តរតនគិរី
ព្រឹកថ្ងៃទី២៥ខែមេសាឆ្នាំ២០២៤មន្រ្តីជំនាញនៃមន្ទីររ៉ែនិងថាមពលខេត្តនិងកម្លាំងធិការស្រុកបរកែវ និងប្រធានអង្គការការពារព្រៃឈើសត្វព្រៃនិងបរិស្ថានសាខាប្រចាំខេត្តរតនគិរី បានចុះទៅបង្អើលអ្នកជិកត្បូងអត់ច្បាប់១កន្លែងនៅភូមិបរកែវចាស់ឃុំឡាមិញស្រុកបរកែវ កម្លាំងចុះទៅមិនបានធ្វើអ្វីទេគ្រាន់តែសួរនាំកម្មករជិកបន្តិចក៍នាំគ្នាត្រឡប់មកវិញអស់ ព្រោះកម្លាំងជំនាញទាំងនោះបានស្គាល់ឈ្មោះកុងសែត្បូងរួចហើយ។ បើតាមការអោយដឹងពីក្រុមកម្មករជិកត្បូងទាំងនោះប្រាប់ថាថៅកែដែលជួលដីចំការកៅស៊ូគេអោយពួកគាត់ជិករកត្បូងលក់អោយនោះគឺឈ្មោះ" សី " និង ឈ្មោះ " ថា " ដែលរកស៊ីទិញត្បូងនៅស្រុកបរកែវ។ សូមបញ្ជាក់ថារណ្តៅត្បូងរាប់រយរណ្តៅនៅទីតាំងខាងលើជិករាប់ឆ្នាំមកហើយមិនដែលឃើញមន្រ្តីជំនាញនៃមន្ទីររ៉ែនិងថាមពលខេត្តចុះទៅបង្រ្កាបម្តងណាទេបានតែចុះទៅបង្អើលប៉ុណ្ណោះក្រោយពេលអ្នកសារព័ត៌មានរាយការណ៍ពីសកម្មភាពជិកត្បូងយ៉ាងអានាធិបតេយ្យ។
មជ្ឍដ្ឋានទូទៅនិងរងចាំមើលថាតើលោកប្រធានមន្ទីររ៉ែនិងថាមពលមានចំណាតើការយ៉ាងណាចំពោះសកម្មភាពជិករ៉ែត្បូងខុសច្បាប់យ៉ាងអនាធិបតេយ្យនេះ។