(ខេត្តរតនគិរី) បារីគេចពន្ធត្រូវបានឈ្មួញឃុបឃិតគ្នាជាមួយមេប៉ុស្ដិលេខ៦០១ឆ្លងដែនទៅលក់នៅប្រទេសវៀតណាមថ្ងៃទី២០ ខែមេសា ឆ្នាំ២០២៤ រថយន្តកែឆ្នៃមួយគ្រឿង ដឹកជញ្ជូន បារីគេចពន្ធឆ្លងដែនអត់ច្បាប់តាមច្រករបៀងប៉ុស្ដិ៦០១ (ហៅប៉ុស្ដិភ្នំក្រហម)ដែលមានមេប៉ុស្ដិឈ្មោះដា ពាក់ព័ន្ធករណីរថយន្តដឹកបារីខាងលើឆ្លងកាត់ប៉ុស្ដិភ្នំក្រហមនេះ ស្ថិតនៅក្នុងភូមិសាស្ត្រ ភូមិ ប៉ក់ តូច ឃុំ ប៉ក់ញ៉ៃ ស្រុកអូរយ៉ាដាវ ខេត្តរតនគិរី ។

សារព័ត៌មានយើងមិនអាចទាក់ទងលោកមេប៉ុស្ដិបានទេ។
បើតាមប្រភពដែលសុំមិនបញ្ចេញឈ្មោះបានអោយដឹងថារថយន្តដឹកបារីនេះដឹកចេញពីទីរួមខេត្តរតនគិរី ឆ្ពោះទៅលក់នៅប្រទេសវៀតណាម ទាំងថ្ងៃទាំងយប់ជារៀងរាល់ថ្ងៃតាមច្រករបៀង ប៉ុស្ដិភ្នំក្រហមបានយ៉ាងរលូន តែគ្មានសមត្ថកិច្ចណាហ៊ានទប់ស្កាត់រឺបង្រ្កាបឡើយ។

ករណីខាងលើនេះ លោក នាយប៉ុស្តិ៍ ៦០១ បានទទួលស្គាល់ថា បារីទាំងនោះ គឺពិតជាដឹកជញ្ជូនឆ្លងកាត់តាមច្រករបៀងរបស់លោក ពិតប្រាកដមែន
តែត្រង់ថា មានច្បាប់ឬអត់ច្បាប់នោះសូម្បីតែ លោក ក៏ដឹងមិនច្បាស់នោះដែរ ។
គាត់បន្តថា បើចង់ដឹងច្បាស់អោយទៅសួរ ថ្នាក់ខេត្តទៅ តែគាត់មិនបានបញ្ជាក់ថា ថ្នាក់ខេត្តនោះជា នរណានោះឡើយ។

តាមការអោយដឹងពីប្រភពដដែលបានបញ្ជាក់ថាឈ្មួញរត់ពន្ធបារីឆ្លងដែនខុសប្បាប់នេះមានឈ្មោះថា លោក កយ នាយរងប៉ុស្ដិភូមិឡុំ រកស៊ីខុសច្បាប់នេះជាយូរឆ្នាំមកហើយមិនដែលរំខានដល់អាជ្ញាធរឬសមត្ថកិច្ចម្តងណាឡើយ និងមានការលើកឡើងពីមន្រ្តីវរៈការពារព្រំដែនគោកលេខ៦២៣បាននិយាយបែបលេងសើចថាបារីគេ មានច្បាប់ គឺច្បាប់ស្រុកខ្មែរយើង សូម្បីតែផ្កាយ២រឺផ្កាយ៣ក៍មិនហ៊ានប៉ះ មេឈ្មួញនេះដែរ។

សួរថា ក្នុងករណីនេះតើពិតដូចមន្ត្រីលើកឡើងនោះដែរឬទេ?
បើដូច្នោះមែនសូម លោក ឧត្តមសេនីយ៍ទោ អ៊ុង សុភាព ស្នងការដ្ឋាននរគបាលខេត្ត រតនគិរីពិនិត្យមើលមន្រ្តីក្រោមឱវាទផងទាន ។
មជ្ឈដ្ឋានទូទៅកំពុងតែរងចាំមើលថា តើ លោកស្នងការ មានចំណាត់ការបែបណាចំពោះមន្ត្រីក្រោមឱវាទរបស់ខ្លួនខាងលើ?

ជាពិសេសសូមណូមពរ ដល់ ឯកឧត្តម អភិបាលនៃគណអភិបាលខេត្ត និងជាប្រធានគណបញ្ជាការឯកភាពខេត្ត មេត្តាដុសក្អែលមន្រ្តីខាលើផងទាន៕