ប្រទេសថៃ:
   អាវុធជាច្រើនដើមនិងគ្រាប់រំសេវរាប់ពាន់គ្រាប់។ត្រូវបានកម្លាំងយោធាថៃបង្ក្រាបបាននៅលើផ្ទៃទឹកសមុទ្រខណៈដែលមានជនជាតិខ្មែរម្នាក់រកស៊ីជួញដូរអាវុធទាំងកណ្ដាលអាធ្រាត្រ។
   កិច្ចប្រតិបត្តិការនេះបានធ្វើឡើង នៅវេលាម៉ោង ៣ និង ៤០ នាទីទៀបភ្លឺ នាថ្ងៃទី ៩ កុម្ភៈ ឆ្នាំ ២០២៤ កម្លាំងយោធាវីរៈការពារព្រំដែន ខេត្តច័ន្ទបុរី និងខេត្តត្រាតបានចេញល្បាតលើផ្ទៃទឹកនិងរួមសហការជាមួយកម្លាំងនាវិកលេខ ១៨២ បានស្កាត់ចាប់កាណូតមួយគ្រឿងដែលកំពុងបើកបរនៅលើផ្ទៃទឹកទាំងយប់ងងឹត។
   ក្រោយពីបានត្រួតពិនិត្យ និងសាកសួររួចមក គឺអ្នកបើកបរមានឈ្មោះ រ៉ែន ភេទប្រុស ជាជនជាតិខ្មែរ អាយុ ២០ ឆ្នាំ។ដោយឡែកនៅលើការណូតនោះគឺមានដឹកអាវុធនិងគ្រាប់រំសេវជាច្រើនផងដែរដែលក្នុងមាន អាវុធធុន M 16 ចំនួន ២ ដើម អាវុធប្រភេទ AK 47 ចំនួន ៨ ដើមបង់អាវុធ M 16 ប្រភេទ ៣០ គ្រាប់ ចំនួនពីរ បង់អាវុធ ចំនួន AK 45 បង់  គ្រាប់កាំភ្លើង AK 47 ចំនួន ២ កែស ដែលក្នុងមួយកែស មាន ៧២០ គ្រាប់ សរុប មានចំនួន ១.៤៤០ គ្រាប់ លុយបាតចំនួន 1៊១.០០០ បាត លុយខ្មែរចំនួន ៣.៥០០ រៀល ថ្នាំញៀនប្រភេទម៉ាទឹកកករួមនិងឧបករណ៍សេពចំនួនមួយឈុត កាណូតស្មាច់មួយគ្រឿង និងទូរសព្ទដៃមួយគ្រឿង។
   បច្ចុប្បន្នជនសង្ស័យនិងវត្ថុតាងទាំងអស់កំពុងបញ្ជូនទៅកាន់ទីបញ្ជាការដ្ឋានដើម្បីសាកសួរបន្ថែម៕មួន រិទ្ធីយ៉ា(៩៥)