(រតនគិរី) ល្បែងស៊ីសងខុសច្បាប់ (online) រីកពេញក្រុងនិងស្រុក ស្ទើគ្រប់តារាងបាល់និងហាងកាហ្វេឬទីប្រជុំជននានាក្នុងខេត្ត អជ្ញាធរខេត្តដេកលក់ធ្វើព្រងើយ។
ថ្មីៗនេះខេត្តរតនគិរី ហាក់ដូចជាកន្លែងរកស៊ីមុខរបរល្បែងស៊ីសងខុសច្បាប់(online)ជាច្រើន។ តើគោលនយោបាយភូមិឃុំមានសុវត្ថិភាពដែលរដ្ឋាភិបាលដាក់ចេញអោយអនុវត្តនោះមានប្រសិទ្ធភាពដែរទេ បើល្បែងស៊ីសងរាលដាលពាស់ពេញខេត្តទៅហើយនោះ។
ប្រហែលជា ឯកឧត្តមអភិបាលខេត្តលោកមិនបានជ្រាបថាក្នុងភូមិសាសន៍ដែលលោកគ្រប់គ្រងមានល្បែងស៊ីសងខុសច្បាប់ទេមើលទៅឬក៍ថ្នាក់ក្រោមរាយការណ៍ថាក្នុងខេត្តគ្មានបទល្មើសល្បែងស៊ីសងទេ។
ជាក់ស្ដែងនៅរសៀលថ្ងៃទី១១ ខែធ្នូ ឆ្នាំ
២០២៤នេះ ទីតាំងលេងល្បែង(online) មាន់ជល់នេះ ឋិតនៅក្នុងភូមិអូរកន្តិល សង្កាត់បឹងកន្សែង ក្រុងបានលុងនិងកន្លែងផ្សេងៗទៀតដែលអ្នកសារព័ត៌មានយើងចុះទៅផ្តិតយករូបភាពប៉ុន្តែក្រុមមេល្បែងទាំងនោះបានបិតឧបករណ៍បម្រើអោយការលេងនោះរួចគេចខ្លួនចេញពីទីតាំងលេង។ កន្លងមកមន្រ្តីជាន់ខ្ពស់ក្រសួងមហាផ្ទៃបានជម្រុញអោយគណៈ
បញ្ជាការ ឯកភាពរដ្ឋបាលខេត្តរតនគិរី ពង្រឹងការ
អនុវត្តគោលនយោបាយភូមិ-ឃុំ-សង្កាត់ មានសុវត្ថិ
ភាព អោយមានប្រសិទ្ធភាព តែហាក់គ្មានប្រសិទ្ធភាពសោះព្រោះសម្ថកិច្ចនិងមន្រ្តីជំនាញខាងបង្រ្កាបបទល្មើសល្បែងស៊ីសងនេះមិនមានឆន្ទះក្នុងការធ្វើការបង្រ្កាប តែងតែឆ្លើយដោះសារក្នុងការដែលអ្នកសារព័ត៌មានរាយការណ៍ពីទីតាំងបទល្មើសល្បែងស៊ីសងម្ដងៗ(កាលកន្លងមកធ្លាប់រាយការណ៍)។
ចំណែករដ្ឋបាលខេត្តបានចេញសេចក្តីណែនាំដល់គ្រប់កងកម្លាំងមានសមត្ថកិច្ចទាំងអស់ក្នុងខេត្តត្រូវសហការគ្នាបង្រ្កាបអោយខាងតែបាននូវបទល្មើសនានាដែលកើតមានឡើងក្នុងទឹកដីនៃខេត្តជាពិសេស
រាល់សកម្មភាព អសន្តិសុខដល់សង្គម ល្បែង ស៊ីសង ខុសច្បាប់ដែលបង្កអោយមានអសន្តិសុខ តែផ្ទុយទៅវិញបទល្មើសល្បែងស៊ីសងខុសច្បាប់កាន់តែច្រើនឡើង គឺល្បែង online(យូគី) ក្រុមហ៊ុន អេស៊ាន និងមាន់ជល់ online (ក្រុមហ៊ុន k)និងកើតមានស្ទើគ្រប់កន្លែងក្នុងខេត្ត។ តើសមត្ថកិច្ចជំនាញលោកមិនបានដឹងថាមានល្បែងស៊ីសងបើកលេងពេញខេត្តទេឬអីឬក៍ដូចគេហៅថាកន្ទេលធំបន្លំដេកទេដឹង។ (បើតាមព័ត៌មានក្រៅផ្លូវការឮមកថាមានអ្នកកាសែតក្នុងខេត្តម្នាក់ចេញមុខមកសម្របសម្រួលជាមួយអ្នកសារព័ត៌មានក្នុងខេត្តរឿងល្បែងonlineខុសច្បាប់នេះ។ ដោយនាគមាស