ខេត្តបន្ទាយមានជ័យ
ព្រឹក ថ្ងៃទី ១៧ ខែ តុលា ឆ្នាំ ២០២៤នេះ មន្ទីរ​រៀបចំដែនដី នគរ​រូប​នី​យ​កម្ម​ សំណង់​ និង​សុរិយោដី​ខេត្តបន្ទាយមានជ័យ បាន បើកសន្និបាត បូកសរុបលទ្ធផលការងារប្រចាំឆ្នាំ២០២៤ និងលើកទិសដៅបន្តឆ្នាំ ២០២៥នៅក្នុងសាលប្រជុំសាលាខេត្ត។
សន្និបាតនេះមានការចូលរួម លោក លីវ សុផាណ្ណារើន អនុរដ្ឋលេខាធិការ ក្រសួង រៀបចំដែនដី នគរ​រូប​នី​យ​កម្ម​ សំណង់​ លោកប្រាក់ប៉ូលី អភិបាលរងខេត្ត លោក មាស ដារ៉ា ប្រធានមន្ទីរ រៀបចំដែនដី នគរ​រូប​នី​យ​កម្ម​ សំណង់​ខេត្តបន្ទាយមានជ័យ មន្ត្រីសុរិយោដី អនុប្រធានក្រុមការងារ សហភាព សហព័ន្ធយុវជនកម្ពុជា ក្រុងសិរីសោភ័ណ អាជ្ញាធរដែនដី ជាច្រើនាក់។
លោក មាស ដារ៉ាបានអានរបាយការស្តីការងារអនុវត្តបាន ក្នុងរយៈពេញ១ឆ្នាំ ២០២៤នេះថា មន្ទីរ រៀបចំដែនដី នគរ​រូប​នី​យ​កម្ម​ សំណង់​ខេត្តបន្ទាយមានជ័យ សម្រេចបានការងារជាច្រើនដូចជា ការងាររៀបចំនគរូបនីយកម្ម.ការងារសំណង់ .ការងារសម្បទានដីសង្គមកិច្ច .ការិយាល័យច្រកចេញចូលតែមួយថ្នាក់ខេត្ត.ការងារសុរិយោដី ដីធ្លីនិងភូមិសាស្ត្រ.ការងារដោះស្រាយវិវាទដីធ្លី និងការងារផ្សេងៗទៀត.ចំណូលពីសោហ៊ុយសេវាសុរិយោដី និងសំណង់ជាដើម។
បច្ចុប្បន្នមន្ទីររៀបចំដែនដី នគររូបនីយកម្ម សំណង់ និងសុរិយោដីខេត្តបន្ទាយមានជ័យ មានមន្ត្រីក្រប ខណ្ឌសរុប ចំនួន ៤២រូប ស្រី៥រូប មន្ត្រីកិច្ចសន្យា ១៥រូប ស្រី៤រូប និងមានការរិយាល័យចំណុះចំនួន៤ ស្ថិតក្នុងក្រោមការដឹកនាំរបស់រាជរដ្ឋាភិបាលនីតិកាលនៃរដ្ឋសភា សព្វថ្ងៃ និងកំពុងចូលរួមអនុវត្តយុទ្ធសាស្ត្របញ្ចកោណ ដំណាក់កាលទី១ ក្រោមការដឹកនាំរបស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួង រៀបចំដែនដី នគររូបនីយកម្មសំណង់ និងសុរិយោដី ។
លោក មាស ដារ៉ាបានមានប្រសាសន៍ឲ្យដឹងបន្តទៀតថា
ខេត្តបន្ទាយមានជ័យ មានក្រុមវាលចំនួន ៩ក្រុម កំពុងដំណើរការវាសវែងដីទាំង ៩ ក្រុង ស្រុក ក្នុងនោះប្រមូលបានទិន្នន័យបានចំនួន ៦៧ .៣៤១ក្បាលដី បញ្ចូលទិន្នន័យបាន ៥៣.៨៨២ក្បាលដី គូសល្បាលដីបាន ៦៧.៦៣៨ក្បាលដី វាស់វែងបានចំនួន ៧១.៥០១ក្បាលដី វិញ្ញាបត្រសម្គាល់ម្ចាស់អចលនវត្ថុបាន ចុះហត្ថលេខារួច ៤.២៦៧បណ្ណ ចែកជូន
វិញ្ញាបត្រសម្គាល់ម្ចាស់អចលនវត្ថុបានចែកជូន ប្រជាពលរដ្ឋបាន ចំនួន ៥.០២២ បណ្ណ ប្រកាសតំបន់វិនិច្ឆ័យលើការចុះបញ្ជីដីធ្លីមានលក្ខណៈប្រព័ន្ធបាន ចំនួន ១០១ ភូមិ វិនិច្ឆ័យលើការចុះបញ្ជីដីធ្លីមានលក្ខណះជាប្រព័ន្ធបានចំនួន១៩១ភូមិ
បិតផ្សាយជាសាធារណៈនូវឯកសារនៃការវិនិច្ឆ័យមានលក្ខណៈប្រពន្ធចំនួន១៨ភូមិស្មើនិង ១៧.០១១ក្បាលដី ។
ក្នុងនោះ លោក លីវ សុផាណ្ណារើន បានមានប្រសាសន៍ថា
មន្ទីរ​រៀបចំដែនដី នគរ​រូប​នី​យ​កម្ម​ សំណង់​ និង​សុរិយោដី​ខេត្តបន្ទាយមានជ័យ បើកសន្និបាត បូកសរុបលទ្ធផលការងារប្រចាំឆ្នាំ២០២៤ និងទិសដៅបន្តឆ្នាំ ២០២៥ថ្ងៃនេះបាន
ពិភាក្សាជំរុញការងារចុះបញ្ជីដីធ្លីក្នុងភូមិសាស្ត្រខេត្តបន្ទាយមានជ័យ ដើម្បីកាត់បន្ថយការទំនាស់ដីធ្លី និងការកាន់កាប់ដោយស្របច្បាប់ ការប្រកាសតំបន់វិនិច្ឆ័យដីធ្លី ជូនប្រជាពលរដ្ឋដែលរស់នៅលើដីរដ្ឋ របស់ក្រសួងបរិស្ថាន និងពិនិត្យតាមស្ថានភាពរស់នៅជាក់ស្តែងរបស់ប្រជាពលរដ្ឋ
មាន៣ជំហាន ១.ចាប់ផ្តើមដំណើការចុះបញ្ជីជូនបងប្អូនកាន់កាប់ស្របច្បាប់ ២.នៅពេលប្រកាសតំបន់វិនិច្ឆ័យបងប្អូនត្រូវត្រៀម និងប្រមូលឯកសារឲ្យមន្ត្រីជំនាញ ដើម្បីជាមូលដ្ឋានការទទួលស្គាល់នៃការចុះបញ្ជីថ្មី សូមខិតខំរកឯកសារ អត្តសញ្ញាណ ប្រសិនបើបងប្អូនមានឯកសារគ្រប់គ្រាន់ យើងនឹងឆាប់ទទួលបានបណ្ណ ៣.ទាក់ទងបញ្ហាទំនាស់ សូមបងប្អូនចេះសម្របសម្រួលគ្នា ទន្ទឹមនោះរួមគ្នាអភិវឌ្ឍមូលដ្ឋានរបស់យើង ត្រូវរួមគ្នាប្រកួតប្រជែងក្នុងការអភិវឌ្ឍមូលដ្ឋានរបស់យើងម្យ៉ាងទៀតក្រុមការងារ ចាំជួយសម្របសម្រួលការងារជូនបងប្អូន ជូនពរឲ្យបងប្អូនឆាប់ទទួលបានបណ្ណកម្មសិទ្ធិគ្រប់ៗគ្នាផងដែរ