ជនសង្ស័យម្នាក់ ថ្នាំញៀន ២៧កញ្ចប់ ត្រូវបានសមត្ថកិច្ចបង្រ្កាប់បាន
(ខេត្តបាត់ដំបង):កម្លាំងនគរបាលប្រឆាំងគ្រឿងញៀន សហការជាមួយនគរបាលស្រុកសង្កែ បានចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនក្នុងបទល្មើសជាក់ស្តែង។ យោងតាមរបាយការណ៍សមត្ថកិច្ចបានអោយដឹងថាក្នុង កិច្ចប្រតិបត្តិការខាងលើនេះធ្វើឡើងកាលពីវេលាម៉ោង១៦និង៣០នាទីថ្ងៃទី០៥ ខែកញ្ញា ឆ្នាំ២០២២ នៅចំណុចក្រុមទី១១ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង។
កម្លាំងសមត្ថកិច្ចបានឲ្យដឹងថាក្នុងការចុះបង្ក្រាប បទល្មើសជាក់ស្តែង និងធ្វើការឃាត់ខ្លួនជនសង្ស័យ០១នាក់ ។
ឈ្មោះ ឌួង ប៊ុនថន ភេទប្រុស អាយុ២៧ឆ្នាំ រស់នៅភូមិអូរស្រឡៅ ឃុំអូរដំបង០១ ស្រុកសង្កែ ខេត្តបាត់ដំបង រួមជាមួយវត្ថុតាងដែលកម្លាំងសមត្ថកិច្ចចាប់យកបានមាន:
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន២៧កញ្ចប់ទម្ងន់២៨,៦២ក្រាមទាំងសំបកទូរស័ព្ទដៃចំនួន ០២គ្រឿងចាស់ និងថង់សម្រាប់ច្រករំលែកថ្នាំលក់មួយចំនួនទៀត។
ជនសង្ស័យក្រោយពីឃាត់ខ្លួនរួមជាមួយវត្ថុតាងរហូតមកដល់ពេលនេះត្រូវបានសមត្ថកិច្ចកំពុងកសាងសំណុំរឿងដើម្បីចាត់ការតាមនីតិវិច្បាប់។