ខេត្តកោះកុង៖ នារសៀលថ្ងៃទី២១ ខែកញ្ញា ឆ្នាំ២០២២ ជនបរទេសជាង ៨០នាក់ ត្រូវបានកម្លាំងនគរបាល ប្រឆាំងការជួញដូរ កម្លាំងប្រឆាំងបទល្មើសគ្រឿង ញៀន នឹងអ្ញាធរ ក្រោមការសម្របសម្រួលពីតំណាងលោក ឃុន ភឿន ព្រះរាជអាជ្ញាអមសាលាដំបូងខេត្ត បានធ្វើការឃាត់ខ្លួនពេលសមត្តកិច្ចចុះបង្ក្រាបករណីសង្ស័យថា លួចប្រព្រឹត្តិបទល្មើសល្បែងស៊ីសងតាមអនឡាញនៅក្នុងផ្ទះសំណាក់ «ថាន់ តាយ» ស្ថិតនៅភូមិ៣ សង្កាត់ស្មាច់មាន ជ័យ ក្រុងខេមរភូមិន្ទ ខេត្តកោះកុង ។

ការត្រួតពិនិត្យនេះថាមានជនបទេសស្នាក់នៅចំនួន៨២ នាក់ ស្រី២៨ នាក់, ស្មើនឹង:០៣សញ្ជាតិ រួមមាន÷
១-សញ្ជាតិ ឥណ្ឌូនេស៊ី ចំនួន៧១នាក់, ស្រី២៥នាក់ ។
២-សញ្ជាតិ ចិនចំនួន ០២នាក់(ប្រុស)។
៣-សញ្ជាតិ វៀតណាមចំនួន ០៩នាក់, ស្រី ០៣នាក់ ។

សមត្ថកិច្ចក្រោមឱវាទ តាមដានវត្តមានអន្តោប្រវេសន៍ក្នុងមូលដ្ឋានរបស់ខ្លួន២ថ្ងៃមកហើយ ពោលគឺទើបរកឃើញទីតាំង របស់ពួកគេ និងដាក់ការសង្ស័យថា លួចលាក់ប្រព្រឹត្តិបទល្មើសល្បែងស៊ីសងតាមអនឡាញ។
ក្រុមជនអន្តោប្រវេសន៍ទាំង៨២នាក់នោះ បានធ្វើដំណើរមកពីខេត្តព្រះសីហនុ រួចហើយមកស្នាក់នៅផ្ទះសំណាក់ «ថាន់ តាយ» ដោយម្ចាស់ផ្ទះសំណាក់មិនបានរាយការណ៍ផ្តល់ព័ត៌មាន កាន់អាជ្ញាធរសមត្ថកិច្ចនោះឡើយ។

ក្នុងចំណោមជនបរទេសទាំង៨២នាក់ មានលិខិតឆ្លងដែនចំនួន ៧៥ នាក់,ស្រី ២៧ នាក់។
ដោយឡែកចំនួន ០៥ នាក់,ស្រី០១នាក់គ្មានលិខិតឆ្លងដែន នឹងពីរនាក់ទៀតលិខិតឆ្លងដែនហួសសុពលភាព។
ត្រូវបានបញ្ជូនទៅការិយាល័យសើបអង្កេតនៃស្នងការដ្ឋានគរបាលខេត្តភ្លាមៗ ដើម្បីកសាងសំណុំរឿងបន្តតាមផ្លូវច្បាប់ ៕ ដោយ សុគន្ធី