ខេត្តបាត់ដំបង,ស្រុកសំពៅលូន
សមាជិកសមាជិកាគណ:បក្សប្រជាជនកម្ពុជា បើកយុទ្ធនាការនាឃោសនាបោះឆ្នោត បង្ហាញឲ្យឃើញពីកម្លាំងសាមគ្គីឧត្តមភាព និងកិត្យានុភាពរបស់សមាជិក- សមាជិកា របស់គណបក្សប្រជាជនកម្ពុជាដែលបានចូលរួមជាង៣០០០នាក់ នៅថ្ងៃទី ២២ ខែឧសភា ឆ្នាំ ២០២២ និងជាថ្ងៃទី២ផងដែរ ដែលការបើកយុទ្ធនាការឃោសនា រកសំឡេងឆ្នោតសម្រាប់ការ បោះឆ្នោតក្រុមប្រឹក្សាឃុំ-សង្កាត់អាណត្តិទី ៥គឺបានធ្វើឡើងនៅទីលានផែស្ងួត ស្ថិតភូមិគីឡូ១៣,ឃុំសន្តិភាព,ស្រុកសំពៅលូន,ខេត្តបាត់ដំបង។
ក្នុងពិធីយុទ្ធនាការឃោសនានេះ សម្ដេចក្រឡាហោមស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ប្រធានស្តីទី គណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានខេត្តបាត់ដំបង ក្នុងស្រុកសំពៅលូន បានមានប្រសាសន៍ថា ការឃោសនារកសំឡេងឆ្នោតនាពេលនេះគឺបង្ហាញឲ្យឃើញពីកម្លាំងសាមគ្គី ឧត្តមភាព និងកិត្យានុភាពរបស់សមាជិក-សមាជិកា គណបក្ស ប្រជាជនកម្ពុជាខេត្តបាត់ដំបង ស្រុកសំពៅលូន បង្ហាញទៅកាន់ប្រជាពលរដ្ឋឲ្យបានជ្រាបពីសារគោលនយោបាយរបស់គណបក្សប្រជាជនកម្ពុជា។
សម្ដេចក្រឡាហោមស ខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានបន្ថែមថា មានតែគណបក្ស​ប្រជាជនកម្ពុជាមួយគត់ បានធ្វើឲ្យប្រជាជនទូទាំងប្រទេសស្គាល់នៅសុខសន្តិភាព​ មានស្ថេរភាព សុខដុមរមនា និងមានការអភិវឌ្ឍ មានភាពរីកចម្រើនគ្រប់វិស័យ ។ក្នុងឱកាសនោះដែរឯកឧត្តមសុខ លូប្រធានគណៈកម្មាធិការគណបក្សប្រជាជនកម្ពុជាខេត្តបាត់ដំបង បានបន្ថែមថា បងប្អូនទាំងអស់បានឃើញច្បាស់ហើយ រាល់សមិទ្ធផលដែលកើតមានសព្វថ្ងៃនេះ ដោយកើតចេញពីគោលនយោបាយ ដ៏ត្រឹមត្រូវរបស់គណបក្សប្រជាជនកម្ពុជា ទាំងនេះហើយ ដែលជាការខិតខំរបស់គណបក្សប្រជាជនកម្ពុជាតែមួយគត់ ដែលធ្វើឱ្យប្រជាពលរដ្ឋទូរទាំងប្រទេសស្គាល់នៅសន្តិភាព សេរីភាព សុខមង្គលក្នុងគ្រួសារ ។ជាមួយគ្នានោះដែរឯកឧត្តមសុខ លូ ក៏អំពាវនាវទៅដល់សមាជិក- សមាជិការ ទាំងអស់ចាំបាច់ត្រូវគោរព ឲ្យបានសមស្របទៅតាមការណែនាំ​របស់​គណៈកម្មការជាតិ​រៀបចំ​ការបោះឆ្នោត​ ដែលបានណែនាំ ជាពិសេសសូមរក្សានូវ​ភាព​ថ្លៃថ្នូរ វិន័យ ជៀសវាង​ការ​កើតនូវអំពើ​ហិង្សា​ណាមួយដែល ធ្វើឲ្យប៉ះពាល់​កិត្តិយស​ដល់​គណបក្សប្រជាជនកម្ពុជា​ ព្រម ទាំងសន្តិសុខសណ្តាប់ធ្នាប់ ៕