(ខេត្តសៀមរាប):ខ្លាំងមែនម្ចាស់សង្វៀនបញ្ជល់មាន់និងបៀរអាប៉ោងមួយកន្លែងដែលស្ថិតនៅក្នុង ភូមិទួលក្រសាំង សង្កាត់ជ្រាវ ក្រុងសៀមរាបខេត្តសៀមរាប ចាប់ផ្ដើមដំណើរការបើកវិញហើយដោយមិនខ្លាចញញើតមន្ត្រីអាជ្ញាធរមួយណាទាល់តែសោះ។

តាមសម្ដីរៀបរាប់របស់ប្រជាពលរដ្ឋក្នុងមូលដ្ឋាននោះបានប្រាប់ដល់អង្គភាពសារព័ត៌មានយើងខ្ញុំថាម្ចាស់ទីតាំងឈ្មោះ ១/លឹម សាណុល ២/ហន រដ្ធា ៣/ឈ្មោះយ៉ា ៤/ឈ្មោះភីដែលកំពុងបើកលេងយ៉ាងគគ្រឹកគគ្រេងដោយមានការផ្ញើប្រាក់រាប់ពាន់ដុល្លារដោយមិនខ្លាចសមត្ថកិច្ចបន្តិចសោះ។

ទីតាំងបញ្ជល់មាន់មួយនេះធ្លាប់មានការបង្រ្កាបនិងធ្វើកិច្ចសន្យាពីមុនរួចហើយតែម្ចាស់ទីតាំងទាំងនោះនៅតែបន្តខំប្រឹងបើកលេងយ៉ាងសេរីនិងមិនស្ដាប់អនុសាសន៍របស់សម្ដេចតេជោនាយករដ្ឋមន្ត្រីនៃព្រះរាជាណាចក្រកម្ពុជាអំពីបញ្ហាជំងឺរាតត្បាតកូវីដ១៩សោះឡើយ មួយវិញទៀតការលេងល្បែងស៊ីសងធ្វើឲ្យមានការអសន្តិសុខនៅក្នុងសង្គមគឺភូមិឃុំសុវត្ថិភាពផងដែរ។

ទើបបានល្បែងស៊ីសងទាំងនេះដំណើរ
ការបានដោយរលូនគ្មានខ្វល់ពីសំណាញ់ផ្លូវច្បាប់បន្តិចណាសោះ សង្ស័យអស់លោកបានទទួលសំណែនសែនព្រេនខ្លះៗអស់ហើយទេដឹងឬក៏បានសើមមាត់សើមកហើយដឹងទើប
បានជាមិនហ៑ានចុះបង្ក្រាបឬក៏ខ្លាចអំណាចទឹកលុយពីម្ចាស់បនល្បែងបែរជាបណ្ដែតបណ្ដោយឲ្យក្រុមអ្នកញៀនល្បែងទាំងនោះចេញចូលទៅ
លេងបានដោយសេរី ហាក់បីដូចជាមិនមានការរំខានដល់សមត្ថកិច្ចអាជ្ញាធរក្នុងមូលដ្ឋានទល់តែសោះ។

គូររំលឹកដែរថា ល្បែងស៊ីសងគ្រប់ប្រភេទ ជាឬសគល់នៃបទល្មើសចោរកម្ម លួច ឆក់ ប្លន់ និង កើត ករណីហិង្សា ក្នុងគ្រួសារ ជាដើម ជាហេតុ នាំឲ្យប្រជាពលរដ្ឋ មានការព្រួយបារម្មណ៍ ភ័យខ្លាច និងភាពអសន្តិសុខ នៅក្នុងសង្គមក៏ដូចក្នុងមូលដ្ឋានផងដែរ ។បឋម