បន្ទាយមានជ័យ÷ លោកឧត្តមសេនីយ៍ត្រីតឹកប៊ុនធឿន មេបញ្ជាការរង ទិសទី១ បន្ទាយមានជ័យ បាននាំយកអំណោយក្រុមហ៊ុនប៉ាងណាគ្រី រៀលអេស្ទេត អង្ករចំនួន ២តោនមី ២០០កេសត្រីខ ២០០យួរទឹកត្រី ២០០យួរទឹកស៊ីអ៊ីវ ២០០យួរមកចែកជូនដល់ប្រជាពលរដ្ឋ ក្រីក្រយោធានិងគ្រួសារយោធិនចំនួន ២០០ គ្រួសារនៅស្រុកម៉ាឡៃ។
ពិធីនេះបានរៀបចំឡើងនៅក្នុងទីតាំងបន្ទាយវរសេនាតូចថ្មើរជើងលេខ៥១១ ស្ថិតនៅក្នុងស្រុកម៉ាឡៃខេត្តបន្ទាយមានជ័យ។
ក្រោមអធិបតីភាពលោកឧត្តមសេនីយ៍ត្រី តឹក ប៊ុនធឿន មេបញ្ជាការរងទិសទី១បន្ទាយមានជ័យ ដោយមានការអញ្ជើញចូលរួមពីលោកឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ លោកវរសេនីយ៍ត្រី លឹម វណ្ណារិទ្ធិ មេបញ្ជាការវរសេនាតូចថ្មើរជើងលេខ៥១១ លោកវរសេនីយ៍ទោតាំង សុខ ហៃ និងភរិយា។
ក្នុងឱកាសនោះដែរ លោកឧត្តមសេនីយ៍ត្រី តឹក ប៊ុនធឿន ឆ្លៀតឱកាសនៃទិវាថ្ងៃជ័យជំនះ ៧ មករា ២០២២ នេះ បានពាំនាំអំណោយរបស់ក្រុមហ៊ុនប៉ាងណាគ្រី រៀលអេស្ទេត មកចែកជូនរួមមាន៖
ប្រជាពលរដ្ឋក្រីក្រចំនួន៥០ គ្រួសារមកពីឃុំនៃស្រុកម៉ាឡៃ
យោធិនជួបការលំបាក វរសេនាតូចថ្មើរជើងលេខ៥១១ចំនួន ៣០ នាក់
យោធិនជួបការលំបាក វរសេនាតូចថ្មើរជើងលេខ៥១៣ចំនួន ៣៥នាក់និងគ្រួសារយោធិនចំនួន ៣៥គ្រួសារ
យោធិនជួបការលំបាក វរសេនាតូចថ្មើរជើងលេខ៥១៤ ចំនួន ២៥ នាក់និងគ្រួសារយោធិន ២៥ គ្រួសារ ដោយមួយគ្រួសារៗ ទទួលបានអង្ករ មី ត្រីខ ទឹកត្រី ទឹកស៊ីអ៊ី វនិងទឹកបរិសុទ្ធផងដែរ។
ក្នុងឱកាសថ្ងៃជំនះជ័យជំនះ៧មករា២០២២ នេះផងដែរលោកឧត្តមសេនីយ៍ ក៏បានរម្លឹក អំពីការខិតខំប្រឹងប្រែងរបស់សម្ដេចអគ្គមហាសេនាបតីតេជោហ៊ុនសែន ក្នុងការបញ្ចប់សង្គ្រាមរកសន្តិភាពជូនប្រជាពលរដ្ឋនិងធ្វើការអភិវឌ្ឍតំបន់សង្គ្រាមនៅក្នុងទឹកដីម៉ាឡៃនេះឲ្យទៅជាតំបន់សេដ្ឋកិច្ច។ហើយបច្ចុប្បន្ននេះមានការអភិវឌ្ឍលើគ្រប់វិស័យជាពិសេសមានវិនិយោគទុនជាច្រើនបានបណ្ដាក់ទុនដូចជាឧកញ៉ាឡេងណាវ៉ាត់ត្រាក្រុមហ៊ុនប៉ាណាគ្រីដែលកំពុងតែធ្វើការអភិវឌ្ឍតំបន់នេះឲ្យទៅជាកន្លែងកំសាន្តមានកាស៊ីណូរោងចក្រដើម្បីរកការងារធ្វើឲ្យប្រជាពលរដ្ឋនៅតំបន់នេះធ្វើការងារជាសវាងការចំណាកស្រុកទៅប្រទេសថៃដោយប្រថុយប្រថាននឹងគ្រោះថ្នាក់លោកបញ្ជាក់ឲ្យដឹងទៀតថាបច្ចុប្បន្ននេះក្រុមហ៊ុនបានណាគ្រីកំពុងត្រូវការកម្លាំងពលកម្មយ៉ាងខ្លាំង និងសំណូមពរឲ្យប្រជាពលរដ្ឋកុំឲ្យធ្វើការចំណាកស្រុកព្រោះការធ្វើការងារនៅក្នុងស្រុកក៏មានតម្លៃមិនខុសគ្នានោះទេណាមួយអាចនៅជួបជុំគ្រួសារទៀតផង៕