អាជ្ញាធរស្រុកមណ្ឌលសីមា ចុះពិនិត្យសកម្មភាពចាក់វ៉ាក់សាំង (ដូសជម្រុញ) ជូនដល់ប្រជាពលរដ្ឋ ដែលមានអាយុ ១៨ ឆ្នាំឡើងទូទាំងស្រុកមណ្ឌលសីមា
កោះកុង÷ លោក ប្រាក់ វិចិត្រ អភិបាលស្រុក លោក ប៉ែន ប៊ុនឈួយ និងលោកស្រី រិន្ទ សោភាភ័ក្រ្ត អភិបាលរងស្រុកមណ្ឌល សីមា និងមានការចូលរួមពីលោក អៀវ កុសល មេឃុំប៉ាក់ខ្លង នៅព្រឹកថ្ងៃទី ៥ ខែមករា ឆ្នាំ២០២២
បានអញ្ជើញចុះពិនិត្យសកម្ម ភាពការចាក់វ៉ាក់សាំងការពារជំងឺកូវីដ -១៩ ដូសជម្រុញ (ដូសទី៣) ជូនដល់ប្រជាពលរដ្ឋដែលមានអាយុ១៨ ឆ្នាំឡើងទូទាំងស្រុកមណ្ឌលសីមា ខេត្តកោះកុង ។
ទីតាំងក្នុងវត្តសមុទ្ធារាម (ហៅវត្តប៉ាក់ខ្លង) ស្ថិតនៅភូមិ២ និងវត្តនិគ្រោធារាម (ហៅវត្តចាំយាម) ស្ថិតនៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
ជាមួយគ្នានោះ អាជ្ញាធរស្រុកមណ្ឌលសីមា សូមអំពាវនាវដល់បងប្អូនប្រជាពលរដ្ឋទូទាំងស្រុកមណ្ឌលសីមា អញ្ជើញចូលរួមមកទទួលវ៉ាក់សាំង ដូសជម្រុញ (ដូសទី ៣) នេះឲ្យបានគ្រប់ៗគ្នា ។
សូមបញ្ជាក់ថា ទីតាំងចាក់វ៉ាក់សាំង ដូសជម្រុញ(ដូសទី ៣) នៅស្រុកមណ្ឌលសីមា មានចំនួន ៤ ទីតាំង រួមមាន÷
១-នៅវត្តនិគ្រោធារាម(ហៅវត្ត
ចាំយាម )
២-វត្តសមុទ្ធារ៉ា(ហៅវត្តប៉ាក់ខ្លង)
៣-វត្តកោះប៉ោ និងទី៤-នៅទីតាំងផ្សារសមាគមន៍បាងកាយ៉ាក ៕
ដោយ សុគន្ធី