(រតនគិរី ) ដីព្រៃរបស់រដ្ឋរាប់ពាន់ហិត្តានៅស្រុក កូនមុំនិងស្រុកវើនសៃត្រូវបានអ្នកមានអំណាចនិងមានលុយគៀងគរអោយប្រជាជនកាប់ទន្រ្ទានយករួចលក់អោយខ្លួនធ្វើជាកម្មសិទ្ធិប្រភពព័ត៌មានពីប្រជាពលរដ្ឋ បានប្រាប់ឲ្យអ្នកសារព័ត៌មាន យើងខ្ញុំដឹងថាសព្វថ្ងៃនេះមានមេឈ្មួញម្នាក់ដែលសកម្មបំផុតក្នុងការប្រមូលប្រជា
ពលរដ្ឋក្នុងភូមិចូលទៅកាប់ទន្រ្ទានដីព្រៃរបស់រដ្ឋ។ នៅថ្ងៃទី២៦ ខែ១២ ឆ្នាំ២០២២ក្រុមអ្នកសារព័ត៌មានយើងបានចុះទៅដល់ទីតាំងដែលប្រជាពលរដ្ឋរាយការណ៍គឺនៅចំណុចចុងអូរតនព្រុំប្រទល់ ឃុំ ហាត់ប៉ក់និងឃុំ តឺន រហូតដល់ ឃុំ ត្រពាំងច្រេសចំណុចត្រពាំងកាភេមស្រុកកូនមុំ ។
មានក្រុមឈ្មួញយ៉ាងសកម្ម កាប់បំផ្លាញ់ព្រៃឈើរាប់រយរាប់ពាន់ហិចតា តើ ឯកឧត្តម អភិបាលនៃគណៈអភិបាលខេត្តរតនគិរី មានទទួលជ្រាបដែរទេនូវទុក្ខកង្វល់របស់ប្រជាពលរដ្ឋនេះ?
ប្រភពពីប្រជាពលរដ្ឋដែលសុំមិនបញ្ចេញឈ្មោះបានប្រាប់ឲ្យអ្នកសារព័ត៌មានដឹងថាមេខ្យល់ដែលគៀរគអោយប្រជាពលរដ្ឋក្នុងភូមិអោយចូលទៅកាប់ទន្រ្ទានដីព្រៃរបស់លក់ឲ្យខ្លួនបានយ៉ាងរលូនដូចនេះមានឈ្មោះ សិត អែង រស់នៅក្នុងភូមិ ហាត់ប៉ក់ ឃុំ ហាត់ប៉ក់ ស្រុក វើនសៃ ខេត្តរតនគិរី ។
ដីព្រៃរាប់ពាន់ហិត្តាត្រូវបានកាប់ទន្រ្ទានដូច្នេះតើលោកអភិបាលស្រុកទាំងពីរខាងលើបានដឹងដែរឬទេ? ចុះឯកឧត្តមអភិបាលនៃគណអភិបាលខេត្តនិងជាប្រធានគណបញ្ជាការឯកភាពខេត្តលោកបានជ្រាបនូវសកម្មភាពទាំងនេះដែររឺទេ?
ប្រជាពលរដ្ឋជាច្រើនគ្រួសារដែលរស់នៅជិតតំបន់នោះបានបន្តថាបើតែយ៉ាងនេះ កូនចៅជំនាន់ក្រោយរកតែឈើសាងសង់ខ្ទមស្រែមិនបានផង។
ពួកគាត់បានសូមសំណូមពរដល់ ឯកឧត្តមអភិបាលខេត្តតាមរយៈក្រុមអ្នកសារព័ត៌មានសូមអោយឯកឧត្តម មេត្តាជួយចាត់វិធានការក្ដៅ ចំពោះជនដែលជាមេក្លោងដែលនាំអោយមានការកាប់ទន្រ្ទានយកដីព្រៃរបស់នេះឲ្យមកទទួលទោសនូវចំពោះមុខច្បាប់សមនិងទង្វើដែលខ្លួនបានប្រព្រឹត្តព្រមទាំងដកហូតយកដីទាំងនោះមកវិញ។
អ្នកសារព័ត៌មានយើងនៅតែឆ្ងល់ថាហេតុអ្វីជនល្មើសកាប់ទន្រ្ទានដីព្រៃនិងបំផ្លាញព្រៃឈើរាប់ពាន់ហិត្តាទៅហើយ ហេតុអ្វីបានជាអាជ្ញាធរដែនដីទាំងពីរស្រុកខាងលើលោកមិនដឹង រឺក៍មានការឃុបឃិតគ្នាជាប្រព័ន្ធហើយធ្វើជាមិនដឹង សួរថាតើអាជ្ញាធរមានឆន្ទះក្នុងការទប់ស្កាត់ឬទេ? រឺមួយមានឆន្ទះចូលរួមក្នុងការទន្រ្ទានយកធ្វើជាកម្មសិទ្ធផ្ទាល់ខ្លួនដែរ? បើដូច្នេះតើរាជរដ្ឋាភិបាលសង្ឃឹមលើអ្វីទៅ?
(ដោយ ភ្នាក់ងារនាគមាស)​។