បន្ទាយមានជ័យ: នៅរសៀលថ្ងៃទី ១៨ ខែ វិច្ឆិកា ឆ្នាំ២០២២ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងសហការី បានអញ្ជើញចូលរួមពិធីបុណ្យសពឧបាសិកា រស់ សេត បានទទួលមរណ:ភាពដោយរោគាពាធ ដែលត្រូវជាម្តាយបង្កើត របស់លោក ឧត្តមសេនីយ៍ត្រី អ៊ុន សំអន ស្នងការរង ផែនការងារ អត្តសញ្ញាណកម្ម ។

ឧបាសិកា រស់ សេត បានទទួលមរណភាពដោយរោគាពាធ ក្នុងជន្មាយុ ៩២ ឆ្នាំ នាថ្ងៃទី ១៦ ខែ វិច្ឆិកា ឆ្នាំ ២០២២ និងកំពុងតំកល់ធ្វើបុណ្យតាមប្រពៃណីនៅគេហដ្ឋាននៃសព ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។

ក្នុងឱកាសដ៏ក្រៀមក្រំនេះដែរ លោកឧត្តមសេនីយ៍ទោ សិទ្ធិ ឡោះ បានសម្តែងនូវការចូលរួមមរណៈទុក្ខ និងសោកស្តាយយ៉ាងក្រៃលែងជាមួយក្រុមគ្រួសារនៃសព ចំពោះការបាត់បង់ ឪពុក ម្តាយ ជីតា ជាទីស្រឡាញ់និងមានព្រហ្មវិធម៌ចំពោះភរិយា កូន និងចៅៗកន្លងមក ។

ក្រុមគ្រួសារនៃសព ក៏បានគោរពថ្លែងអំណរគុណ ដល់លោកឧត្តមសេនីយ៍ទោ ស្នងការ និងសហការី ដែលបានគិតគូរនិងយកចិត្តទុកដាក់ ដល់ក្រុមគ្រួសារនគរបាលដែលកំពុងជួបការលំបាក។ ក្រុមគ្រួសារសព ក៏បានជូនពរដល់ថ្នាក់ដឹកនាំទាំងអស់សូមជួបប្រទះតែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕