(ខេត្តបន្ទាយមានជ័យ ):លោកង៉ោម៉េងជ្រួញ អភិបាលរងខេត្តបន្ទាយមានជ័យ បានចូលរួមបើកកិច្ច
ប្រជុំស្តីពីការ បន្ធូរ បន្ថយ​ទោស ដល់ទណ្ឌិតចំនួន១៦នាក់ ក្នុងនោះមានស្រី៣នាក់ ចាប់ពី៣ខែ ដល់៩ខែ ក្នុងពិធីបុណ្យជាតិធំៗ ក្នុងប្រទេសកម្ពុជា នៅព្រឹក ថ្ងៃទី១១ ខែវិច្ឆិកា ឆ្នាំ ២០២២ ក្នុងសាល ប្រជុំសាលាខេត្តបន្ទាយមានជ័យ ក្នុងកិច្ចប្រជុំនោះដឹកនាំដោយ លោកង៉ោម៉េងជ្រួញ អភិបាលរងខេត្ត ព្រះរាជ​អាជ្ញា​រងនៃអយ្យការអមតុលាកាខេត្ត​ លោកឧត្តមអគ្គនុរក្ស២​ អ៊ុង​ ស៊ីផាន​ ប្រធាន​ ពន្ធនាគារ​ ខេត្តបន្ទាយមានជ័យ លោកឧត្តមសេនីយ៍ស្នងការរងខេត្តបន្ទាយមានជ័យ រួមទាំង​មន្ត្រី​ជំនាញកិច្ចការតុលាការ ពន្ធនាគារ និងមន្ត្រីពន្ធនាគារនុរក្សជាច្រើននាក់ទៀត។
ក្នុងកិច្ចប្រជុំនោះ លោកឧត្តមអគ្គនុរក្ស២​ អ៊ុង​ ស៊ីផាន បានអានស្ថិតិ បញ្ជីឈ្មោះ និងសាវតានៃទណ្ឌិត ជនជាតិខ្មែរ និងជនបរទេស ដែលត្រូវបានអង្គភាព ពន្ធនាគារខេត្ត
បន្ទាយមានជ័យ ស្នើ ហើយ សុំការអនុម័ត ពីគណៈកម្មការ បញ្ជូនបន្ថយទោស បន្តសុំថ្វាយការសម្រេច ពីថ្នាក់លើ ក្នុងនោះមាន បន្ធូរបន្ថយ​ទោស ពី៣ខែ ដល់៩ខែ ដល់ទណ្ឌិតចំនួន១៦នាក់ក្នុងនោះមានស្រីចំនួន៣នាក់ ក្នុងឱពិធីបុណ្យជាតិធំៗក្នុងប្រទេសកម្ពុជា។
ក្នុងនោះលោកង៉ោម៉េងជ្រួញ បានធ្វើការទទួលស្គាល់ លោកឧត្តមអគ្គនុរក្ស២​ អ៊ុង​ ស៊ីផាន​ ប្រធាន​ ពន្ធនាគារ​ ខេត្តបន្ទាយមានជ័យ និងមន្ត្រីក្រោមឪវ៉ាទ បានធ្វើការខិតខំប្រឹងប្រែងគ្រប់គ្រង ថែរក្សាអ្នកជាប់ឃុំ ក្នុងនោះបានពិនិត្យ វាយតម្លៃលើសកម្មភាព អនុវត្ត គុណសម្បត្តិ និងរយៈពេលនៃការជាប់ឃុំ របស់ទណ្ឌិត ហើយវាយតម្លៃ ស្នើសុំបន្ធូរបន្ថយទោស ពី៣ខែដល់ ៩ខែ ។
លោកអភិបាលរងខេត្ត សង្ឃឹមថា ដំណើរការនេះនឹងមិនមាន អំពើពុករលួយ ភាពលំអៀង មិនបក្ខពួក ភាពមិនប្រក្រតី ឬបញ្ហាកើតឡើងឡើយ ពោលធ្វើយ៉ាងណាប្រកបដោយ ការទទួលខុសត្រូវ និងប្រសិទ្ធិភាពខ្ពស់ផងដែរ។
ក្នុងនោះលោកបានធ្វើការផ្តាំផ្ញើរ ដល់អ្នកជាប់ឃុំទាំងអស់ ក្រោយពីស្គាល់រសជាតិជាប់គុក ហើយចេញពីពន្ធនាគារ វិញត្រូវចេះកែខ្លួន ឲ្យក្លាយជាមនុស្សល្អ ពលរដ្ឋល្អ ទើបអាចរស់នៅ ក្នុងសង្គមបានស្រួល៕