(ខេត្តបន្ទាយមានជ័យ):ថ្ងៃចន្ទ ១៤ រោច ខែស្រាពណ៏ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី ០៦ ខែ កញ្ញា ឆ្នាំ ២០២១ លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ បានអញ្ជើញដឹកនាំកិច្ចប្រជុំពង្រឹងលើការអនុវត្តនីតិវិធី និងជម្រុញឱ្យការអនុវត្ត តួនាទី ភារកិច្ច លើតាមបណ្តាការិយាល័យជំនាញ ការពារសន្តិសុខ សណ្តាប់ធ្នាប់ និងដើម្បីធានាបាននូវសុខសុវត្ថិភាព ទាំងផ្នែកបម្រើសេវាសាធារណៈ ជូនបងប្អូនប្រជាពលរដ្ធដោយភាពស្មោះត្រង់ ជៀសវាងយកតួនាទីភារកិច្ចរបស់ខ្លួនប្រព្រឹត្តផ្ទុយខុសនិងច្បាប់។

ការប្រជុំនេះប្រព្រឹត្តនៅសាលប្រជុំ (ក) របស់ស្នងការដ្ឋាននគរបាលខេត្តបន្ទាយមានជ័យ
ដោយមានការចូលរួមប្រជុំមាន លោក ឧត្តមសេនីយ៍ វរសេនីយ៍ ស្នងការរង លោក នាយការិយាល័យ ចំណុះឱ្យផែន ការងារ នគរបាលព្រហ្មទណ្ឌ ផែនការងារ សន្តិសុខ ផែនការងារសេនាធិការ ផែនការងារធនធានមនុស្ស ផែនការងារអន្តោប្រវេសន៍៕