ខេត្តស្ទឹងត្រែងៈ ឈើជាច្រើនសន្លឹកប្រភេទសុគ្រំុ សរុបជាង៦០សន្លឹកដែលក្រុមឈ្មួញដឹកយកមកលាក់ទុក បម្រុងសាងដឹកបន្តដោយសណ្ឋានភាពជម្ងឺកូវិដ បន្តរីករាលដាលឆ្លងចូលសហគមន៍ ជាបន្តបន្ទាប់ទើបធ្វើឲ្យឈ្មួញអាក់ខានមិនបានសាងបន្ត។ ទើបធ្វើឲ្យលោកសួនម៉េង លី នាយសង្កាត់រដ្ឋបាលព្រៃឈើដុងក្រឡ ចុះបង្ក្រាបតែម្តង នៅរសៀលថ្ងៃទី៧ ខែកញ្ញា ឆ្នាំ២០២១នេះ នៅត្រង់ចំណុចផ្ទះសំណងយោធិនចូលនិវត្តន៍ ស្ថិតនៅក្នុងភូមិគីឡូ៨ សង្កាត់សាមគ្គី ក្រុងស្ទឹងត្រែង ខេត្តស្ទឹងត្រែង ។

ជុំវិញរឿងចុះបង្ក្រាបនេះលោក សួន ម៉េងលី នាយសង្កាត់រដ្ឋបាលព្រៃឈើដុំក្រឡ បានឲ្យដឹងថា: ឈើដែលចុះបង្ក្រាបបាននេះនៅចំណុចខាងលើនោះ ជាឈើសុគ្រុំប្រភេទលេខ១ រាប់រួចរាល់មានចំនួន៥០សន្លឹក ប្រភេទខ្លំុមុខកាត់២៥×២៥×២,២ម៉ ចំនួន៥ដុំ ក្នុងនោះប្រភេទកូនក្រឡឹង៧ដុំ សរុប១២ដុំនិង៥០សន្លឹ។ លោកនាយសង្កាត់រដ្ឋបាលព្រៃឈើដំក្រឡ បានបញ្ជាក់ថា ក្រោយពីរាប់បានដឹងនៅចំនួនឈើរួចរាល់ហើយនោះ លោកក៏បានហៅគោយន្តកន្ត្រៃមកដឹកជញ្ជូនយកឈើនោះ មករក្សាទុកនៅខណ្ឌរដ្ឋបាលព្រៃឈើខេត្ត រួចរាល់អស់ហើយនៅល្ងាចថ្ងៃដដែល រីឯចំនួនម៉ែត្រគូបលោកថា: នៅមិនបានទាន់វាស់វែងដឹងនៅឡើយនោះទេ ព្រោះប្រលប់ហើយវាស់មិនទាន់ ចាំស្អែកព្រឹកទើបបានធ្វើការវាស់វែងឲ្យដឹងចំនួនម៉ែតគូបពិតប្រាកដ។

សូមបញ្ជាក់ថា: ទីតាំងដែលឈ្មួញដឹកជញ្ជូនឈើយកមកលាក់ទុកនៅចំណុចខាងលើនោះ ជាកន្លែងចាស់ដែលក្រុមឈ្មួញដឹកតាមម៉ូតូ ចល័តយកមកលាក់ទុកជាប្រចាំ ដែលជាកន្លែងសុខស្រួលហើយសមត្ថកិច្ចមួយចំនួន ក៍បានលាបសក្ការៈដើម្បីថ្នូបិតព៍ត៌មាន និងជួយលាក់បាំងផងដែរ។ ហើយក៍ជាកន្លែងសមត្ថកិច្ចធ្លាប់ចុះបង្ក្រាបជាច្រើនលើកផងដែរ តែឈ្មួញដដែលនោះនៅមិនព្រមរាងចាល នៅតែបន្តការដឹកជញ្ជូនផលអនុផលព្រៃឈើ ទាំងនោះយកមកលាក់ទុកដដែលព្រោះមានមន្ត្រីគ្រាប់ល្ពៅស្ងោរជួយលាក់បាំង នៅចំណុចខាងលើនេះដដែលជាដដែល ហេតុដូច្នេះហើយទើបធ្វើឱ្យប្រជាពលរដ្ឋ ពួកគាត់រស់នៅទីនោះមានការងឿងឆ្ងល់ ថាសមត្ថកិច្ចចុះបង្រ្កាបជារៀយៗដែរ ហេតុអីនៅតែមានការដឹកជញ្ចូនឈើទាំងនោះ យកមកលាក់ទុកនៅពេលយប់មិនរៀងចាលសោះ។

ដោយ:ជួន សារ៉ាន