ខេត្តបាត់ដំបង,ស្រុកសំពៅលូន ឈើចម្រុះដែលមានលាយទាំងគ្រញូង ផងនោះ សរុបប្រមាណជិត ៥០ ដុំ ត្រូវបានកម្លាំងចម្រុះ ចុះប្រមូលពីក្បែខ្សែបន្ទាត់ព្រំដែន យកមករក្សាទុក បន្ទាប់ពីការនាំឆ្លងដែនខុសច្បាប់នេះទំនងជាបែកការណ៍ ទើបមិនអាចចាប់បាននរណាម្នាក់។ពាក់ព័ន្ធនិងបង្ក្រាប ការទប់ស្កាត់ ការនាំចេញឈើដោយខុសច្បាប់ ពីប្រទេសថៃ ចូលមកកម្ពុជា នេះគឺបានធ្វើឡើង កាលពីថ្ងៃទី ២២ ខែកញ្ញាឆ្នាំ ២០២១ វេលាម៉ោង ៥ និង ៣០ នាទី ល្ងាច នៅចំណុចមាត់អូរព្រំដែនកម្ពុជា-ថៃ ក្នុងភូមិសាស្ត្រក្រុមទី១ ភូមិអូរល្វា ឃុំជ្រៃសីមា ស្រុកសំពៅលូន ខេត្តបាត់ដំបង ។ការចុះប្រតិបត្តិការនេះ គឺមានកម្លាំងអធិការដ្ឋាននគរបាលស្រុកសំពៅលូន សហការជាមួយកម្លាំងនគរបាលវរ:ការពារព្រំដែនគោក ៨១៧ កម្លាំងផ្នែកសឹករងស្រុកសំពៅលូន និងកម្លាំងវរៈសេនាតូចលេខ ៥៣៣ ប្រចាំការតាមមាត់អូរព្រំដែន ក្នុង ភូមិសាស្ត្រខាងលើ បានធ្វើការទប់ស្កាត់ប្រជាពលរដ្ឋខ្មែរ នាំចេញឈើដោយខុសច្បាប់ ពីប្រទេសថៃ ចូលមកកម្ពុជា ចំនួន ១ លើក នេះជាលើកទី១ហើយដែលកម្លាំងចម្រុះចាប់បានឈើឆ្លងដែនខុសច្បាប់ ប៉ុន្តែ ក្នុងពេលចុះប្រតិបត្តិការ គឺមិនមានចាប់បានជនល្មើសណាម្នាក់ឡើយ។វត្ថុតាងដែលបន្សល់នៅទីនោះគឺ ឈើប្រវែង ២ ម៉ែត្រ ចំនួន ៨ សន្លឹក ឈើក្តារ ចំនួន ៧ សន្លឹក ឈើដុំ និង កំណាត់ឈើ ប្រវែង ១ ម៉ែត្រ ទៅ ២ ម៉ែត្រ ចំនួន ៣២ ដុំ ដោយទុកចោលក្នុងព្រៃមាត់អូរព្រំដែន (ដីខ្មែរ) ត្រូវបានកម្លាំងសមត្ថកិច្ច នៃអធិការដ្ឋាននគរបាលស្រុកសំពៅលូន យកមករក្សាទុកនៅ អធិការដ្ឋានជាបណ្តោះអាសន្ន។លោក អធិការ ទឹម វិឆ័យ បានបញ្ជាក់ថា ការចុះប្រតិបត្តិការនេះ កម្លាំងរបស់លោកត្រឹមតែសហការតាមការស្នើសុំពីកម្លាំងជួរមុខតែប៉ុណ្ណោះ ដូច្នេះហើយទើបពេលទៅដល់មិនឃើញមានជនល្មើសណាម្នាក់សោះ ក្រោយពេលដកហូត លោកក៏បានប្រគល់បន្តទៅអោយ ការិយាល័យនគរបាល ប្រឆាំងបទល្មើសសេដ្ឋកិច្ច ដើម្បីអនុវត្តបន្តតាមនីតិវិធី ។តាមប្រភពក្រៅផ្លូវការមួយបានបង្ហើបថា វាអាចជាការចែកលាភសក្ការ:មិនត្រូវគ្នា ទើបឈានដល់ការបែកធ្លាយ និងទុកឈើចោលអោយសមត្ថកិច្ចមកប្រមូលតែម្តង ព្រោះតាំងពីដើមរៀងមក មិនដែលឮថា ចាប់បានបទល្មើសនាំឈើចូលមកកម្ពុជាម្តងណានោះទេ គឺដោយរលូន និងស្ងប់ស្ងាត់ជាទីបំផុត។
ព័ត៌មានគួរចាប់អារម្មណ៍
លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)
ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)
ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)
រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)
មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()
វីដែអូ