ឃាត់ខ្លួនជនសង្ស័យម្នាក់ពាក់ព័ន្ធនឹងរក្សាទុកអាវុធដឹកជញ្ជូនដោយខុសច្បាប់
(ខេត្តបាត់ដំបង):កម្លាំងអាវុធហត្ថរបស់ការិយាល័យជំនាញខេត្តបត់ដំបងបានចុះទៅដល់ ភូមិចំការឬស្សី សង្កាត់ព្រែកព្រះស្ដេច ក្រុងបាត់ដំបង និងខេត្តបាត់ដំបងនៅវេលាម៉ោង ១៦ :២០ នាទីថ្ងៃទី ០៨ ខែឧសភាឆ្នាំ ២០២១ កម្លាំងបានឃាត់ខ្លួនជនសង្ស័យម្នាក់ ឈ្មោះ សាំ សុខ បញ្ញាវ័ន្ត ភេទប្រុស អាយុ២៥ឆ្នាំ មុខរបរជាងដែក ស្នាក់នៅភូមិសង្កាត់ខាងលើ ពីបទកាន់កាប់ឬដឹកជញ្ជូនអាវុធគ្មានការអនុញ្ញាតិ។
វត្ថុតាងដែលកម្លាំងអាវុធហត្ថធ្វើការដកហូតរួមមាន÷
១,កាំភ្លើង M១៦ចំនួន០១ដើមលេខ៤៧២៣៧៨
២,បង់ M១៦ចំនួន១០បង់
៣,បង់អាកា៤៧ចំនួន ០៤បង់
៤,បង់ម៉ាត់តាយ៉ែតចំនួន០២បង់
៥,គ្រាប់កាំភ្លើង M១៦ចំនួន២៤២គ្រាប់
៦,គ្រាប់កាំភ្លើងAK៤៧ចំនួន ៦៤គ្រាប់
៧,គ្រាប់ខ្ចិបAK៤៧ចំនួន ០៧គ្រាប់
៨,គ្រាប់ម៉ាត់តាយ៉ែតចំនួន ០៩គ្រាប់
៩,មីនចំនួន ០៤ គ្រាប់
១០,ទូសសៀចំនួន០១
១១,ស្បែកជើងកវែងយោធាចំនួន០២គូ
១២,ឯកសណ្ឋានប៉ារ៉ាចំនួន០១កំប្លេ
១៣,អាវភ្លៀងយោធាចំនួន ០១
១៤,ទូរសព្ទដៃម៉ាក samsung ចំនួន ០១គ្រឿង
បច្ចុប្បន្នជនសង្ស័យ និងវត្ថុតាងកំពុងឃាត់ខ្លួននៅការិយាល័យដើម្បីកសាងសំណុំរឿងបញ្ជូនទៅតុលាការ។
ថ្ងៃអាទិត្យ ១៣រោច ខែពិសាខ ឆ្នាំឆ្លូវ ត្រីស័ក ព.ស ២៥៦៥
ត្រូវនឹងថ្ងៃទី០៩ ខែឧសភា ឆ្នាំ២០២១