កោះកុង៖ លោក មៀច គីមហុង តំណាងក្រុមហ៊ុនឆ្នោតមហាសំណា និងក្រុមការ ងារ ឆ្នោតមហាសំណាង ខេត្តកោះកុង បានឧបត្ថម្ភសម្ភារៈ ដល់រដ្ឋបាលខេត្ត កោះកុង រួមមាន៖ -ទឹកបរិសុទ្ធ វីតាល ៤០កេស,មីជាតិ ៤០កេស , អង្ករ ១តោន , ម៉ាស់ ១កេសធំ , អាកុល ១កាន ជូនដល់រដ្ឋបាលខេត្ត កោះកុង នាព្រឹកថ្ងៃទី០៧ ខែមេសា ឆ្នាំ ២០២១ នេះ សម្រាប់ប្រយុទ្ធប្រឆាំង ក្នុងការឆ្លងរាលដាលនូវជំងឺកូវីដ-១៩ ។ជាមួយគ្នានោះ លោក ជំទាវ មិថុនា ភូថង អភិបាលខេត្ត អនុញ្ញាតឱ្យ លោក មៀច គីមហុង តំណាងក្រុមហ៊ុន និងក្រុមការងារឆ្នោតមហាសំណាងខេត្តកោះកុង ជួបសំណេះសំណាល ។លោក ជំទាវ អភិបាលខេត្តកោះកុង បានថ្លែងអំណរគុណដ៏ជ្រាលជ្រៅបំផុត ចំពោះទឹកចិត្តប្រកបដោយសប្បុរស ពោរពេញដោយសទ្ធាជ្រះថ្លា របស់ក្រុមការងារឆ្នោតមហាសំណាង ខេត្តកោះកុង ដែលបានចំណាយនៅថវិកាផ្ទាល់ខ្លួន ក្នុងការជួយដល់សង្គមជាតិ តាមរយៈរដ្ឋបាលខេត្ត កោះកុង ដែលនេះគឺជាកាយវិការ ឆ្លុះ បញ្ចាំងពី គុណធម៌ សប្បុរសធម៌ ការចេះជួយគ្នាក្នុងគ្រាលំបាក ពិសេសបានទាន់ ពេលវេលា ។ឈ្លាតក្នុងឱកាសនោះដែរ លោក ជំទាវ មិថុនា ភូថង អភិបាលខេត្ត ក៏បានអំពាវ នាវដល់បងប្អូនប្រជាពលរដ្ឋទាំងអស់ សូមចូលរួមជាមួយអាជ្ញាធរខេត្ត ដោយអនុវត្តតាមការណែនាំរបស់ក្រសួងសុខា ភិបាល និងរាជរដ្ឋាភិបាល ដើម្បីរួមគ្នាបង្ការ ការពារ និងទប់ស្កាត់ជំងឺកូវីដ-១៩ ក្នុងភូមិសាស្ត្រខេត្តកោះកុង ក៏ដូចជាទូ ទាំងប្រទេសផងដែរ ។ ជាងនេះទៅទៀត លោកជំទាវ អភិបាល ខេត្ត ក៏បានឱ្យក្រុមការងារ ឆ្នោតមហាសំណាង ខេត្តកោះកុងទាំងអស់ ចូលរួមចាក់វ៉ាក់សាំងការពារកូវីដ-១៩ ឱ្យបានគ្រប់ៗគ្នា ដើម្បីទប់ស្កាត់ខ្លួនពីជំងឺកូវីដ-១៩ ។ជាមួយគ្នាក្នុងឱកាសនោះដែរ លោក មៀច គីមហុង តំណាងក្រុមហ៊ុនឆ្នោតមហាសំណាង បានឱ្យដឹងថា ការជួយ ឧបត្ថម្ភនៅសម្ភារៈ ក្រុមហ៊ុនឆ្នោតមហាសំណាង មានកម្មវិធីឧបត្ថម្ភជារៀងរាល់ខែ បន្ទាប់ពីមានកម្មវិធីធ្វើនៅសាលាខេត្ត ក្រុមហ៊ុននឹងមានកម្មវិធីធ្វើតាមបណ្ដាស្រុក ឃុំ ផ្សេងៗទៀត ក្នុងការជួយដល់ប្រជាពលរដ្ឋក្រីក្រ ដើម្បីចូលរួមទប់ស្កាត់កូវីដ-១៩ ៕ ដោយ សុគន្ធី
ព័ត៌មានគួរចាប់អារម្មណ៍
លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)
ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)
ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)
រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)
មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()
វីដែអូ