ខេត្តស្ទឹងត្រែង: នៅព្រឹកថ្ងៃព្រហស្បតិ៍ ១១រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែមេសា ឆ្នាំ២០២១ លោកម៉ុម សារឿន អភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត មន្ទីរអង្គភាពពាក់ព័ន្ធជំុវិញខេត្ត លោកអភិបាលនៃគណៈអភិបាលស្រុក បុរីអូរស្វាយសែនជ័យ បានអមដំណើរនាយឧត្តមសេនីយ៍ ហ៊ូ សាគុណ អគ្គស្នងការរងនគរបាលជាតិ អញ្ជើញសម្ពោធអាគារមួយខ្នងដាក់ឲ្យប្រលប្រាស់ជាផ្លូវការ។

ជូនដល់កម្លាំងនគរបាលការពារព្រំដែនគោកលេខ៧០១ ដែលជាអំណោយរបស់នាយឧត្តមសេនីយ៍សន្តិបណ្ឌិតនេត សារឿន និងជួបសំណេះសំណាលសាកសួរសុខទុក្ខ ព្រមទាំងនាំយកអំណោយជាគ្រឿងឧបភោគបរិភោគ និងថវិកាមួយចំនួនជូនដល់កងកម្លាំង ដែលកំពុងបំពេញបេសកកម្មការពារពារ បូរណៈភាពទឹកដី តាមគោលដៅខែ្សបន្ទាត់ព្រំដែនកម្ពុជា ឡាវ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងឈានចូលមកដល់នាពេលខាងមុខនេះ។
ពិធីនេះប្រព្រឹត្តិទៅនៅទីបញ្ចាការវរ:ការពារព្រំដែន៧០១ ស្ថិតក្នុងភូមិឧបសម្ព័ន្ធឬទី្ធសែនជ័យពីរ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង។

នៅក្នុងឱកាសសម្ពោតអាគារមួយខ្នងខាងលើ នាយឧត្តមសេនីយ៍ហ៊ូ សាគុណ អគ្គស្នងការរងនគរបាលជាតិ បានពាំនាំការផ្តាំផ្ញើ សាកសួរសុខទុក្ខ និងនាំយកអំណោយដ៏ថ្លៃថ្លារបស់នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ជាគ្រឿងឧបភោគបរិភោគមួយចំនួនធំ រួមទាំងសម្ភារបង្កា ទប់ស្កាត់កូវីដ-១៩ដូចជា (ទូរបាញ់អាកុល ១គ្រឿង ម៉ាស់៦០០ ទឹកអាកុល៦កានស្មើ(៣០លីត្រ) ថវិកាចំនួន៣លានរៀល ជូនដល់កងកម្លាំងវរសេនាតូចនគរបាលការពារព្រំដែនគោកលេខ៧០១ ព្រមទាំងបានឧបត្ថម្ភ ដល់តំបន់ប្រតិបត្តិការសឹករងខេត្តចំនួន(១លានរៀល) និងតំបន់ប្រតិបត្តិការសឹករងស្រុកបុរីអូរស្វាយសែនជ័យចំនួន(៥០ម៉ឺនរៀល) នឹងកងរាជអាវុធហត្ថស្រុកបុរីអូរស្វាយសែនជ័យចំនួន(៥០ម៉ឺនរៀល) ផងដែរ៕

ដោយ:ជួន សារ៉ាន