ថ្ងៃពុធ ទី២១ ខែមេសា ឆ្នាំ២០៥០
គេហទំព័រ នាគមាសទំនាក់ទំនងលេខ:0977007424/017621982/0967316127
អភិបាលខេត្តមណ្ឌលគិរីទទួលអំណោយពីសប្បុរសជនរួមចំណែកទប់ស្កាត់ជំងឺកូវីដ១៩
Sat,03 April 2021 (Time 11:21 AM)
ដោយ ៖ សហការី (ចំនួនអ្នកអាន: 16នាក់)

ខេត្តមណ្ឌលគិរី: នៅរសៀលថ្ងៃទី ២ ខែ មេសា ឆ្នាំ២០២១នេះ លោកស្វាយ សំអ៊ាង អភិបាល នៃគណៈអភិបាលខេត្តមណ្ឌល គិរី និងលោក សាយ ម៉េងគីម អភិបាលរងខេត្ត បានទទួលនូវគ្រឿងឧបភោកបរិភោគ រួមមាន: មីម៉ាម៉ាចំនួន ៥កេះធំ និងទឹកសុទ្ធវីតាល់ចំនួន២០កេះ ពីលោកឃន សិទ្ធ នាយកទីចាត់ការធនធានមនុស្ស និងភរិយា យកមកចែកជូនដល់កងកម្លាំងសមត្ថកិច្ច និងក្រុមគ្រូពេទ្យ ឈរជើងការពារទប់ស្កាត់ជម្ងឺកូវិដ១៩ នៅតាមបន្ទាត់ព្រំដែន ខេត្តក្រចេះ និងខេត្តរតនគិរី។

ក្នុងឱកាសនេះផងដែរលោកអភិបាលនៃគណៈអភិបាលខេត្ត បានថ្លែងអំគុណចំពោះលោកឃន សិទ្ធ និងភរិយា ដែលបានឧបត្ថម្ភនូវគ្រឿងឧបភោគ បរិភោគ ដល់រដ្ឋបាលសាលាខេត្តមណ្ឌលគិរី សម្រាប់បែងចែក ចែកជូនដល់មន្រ្តីសុខាភិបាល និងកងកម្លាំងដែលឈរជើងនៅតាមព្រំដែនជាប់ខេត្តរតនគីរី និងខេត្តក្រចេះ ដើម្បីចូលរួមទប់ស្កាត់ការរីករាលដាលនូវជំងឺកូវីដ-១៩។

បន្ទាប់មកលោកអភិបាលខេត្តក៏បានជូនពរដល់លោកឃន សិទ្ធ និងភរិយា សូមទទួលបាននូវសុខភាពល្អ ជោគជ័យគ្រប់ភារកិច្ច និងទទួលបាននូវពុទ្ធពរទាំងបួនប្រការគឺៈ អាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ ៕

ដោយ:មាស សុផាត