(ខេត្តបន្ទាយមានជ័យ)៖ យោងតាមប្រភព ព័ត៌មាន ពី សមត្ថកិច្ចជំនាញ ពាក់ព័ន្ធ នៅថ្ងៃចន្ទ ១ រោច ខែចេត្រ ឆ្នាំជូតទោស័កពុទ្ធសករាជ២៥៦៤ ត្រូវនឹង ថ្ងៃទី២៩ ខែមីនា ឆ្នាំ២០២១ នេះកងកម្លាំងសមត្ថកិច្ចចម្រុះ ៣អង្គភាព ដែលមាន លោកវរសេនីយ៍ត្រី រស់ ពិសិដ្ឋ នាយប៉ុស្តិ៍បឹសាគូសហការជាមួយ កម្លាំងមូលដ្ឋាន កងរាជអាវុធហត្ថក្រុងប៉ោយប៉ែត និង កម្លាំងយោធាកងពលតូចលេខ៥១ បានតាមដានមុខសញ្ញារថយន្ត ដឹកមនុស្សលួចឆ្លងដែនខុសច្បាប់ សង្ស័យជា ( ជនជាតិថៃ ) នៅចំណុចស្តារហ្គោល ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ម្ចាស់រថយន្ត និងបក្សពួក ដែលកម្លាំងសមត្ថកិច្ចឃាត់ខួន រួមមាន ៖ ១ • ឈ្មោះ យឹម នៅ ភេទប្រុស អាយុប្រហែល៤៧ឆ្នាំ មានតួនាទីជា(សមាជិកក្រុមប្រឹក្សាសង្កាត់ប៉ោយប៉ែត)រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ (ម្ចាស់រថយន្តកដឹកមនុស្ស)។ ២ • ឈ្មោះ ចាន់ ណារ៉ុង ភេទប្រុស អាយុ៤០ឆ្នាំ បុគ្គលិកកាស៊ីណូ (ម្ចាស់ផ្ទះ) រស់នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ៣ • ឈ្មោះ ដែង ជុំ ភេទប្រុស អាយុ៤៦ឆ្នាំ បុគ្គលិកកាស៊ីណូស្នាក់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ៤ • សម្រាប់ មនុស្សដែលឆ្លងដែន (សង្ស័យជាជនជាតិថៃ) នោះ សមត្ថកិច្ច ឃាត់ខ្លួនមិនទាន់ទេ ដោយ ភូមិសាស្ត្រតំបន់នោះនៅក្បែព្រំដែនថៃពេក ទើបពួកគាត់ រត់រួច ។ ប្រភពពី សមត្ថកិច្ច បានឱ្យដឹងថា ក្រុមសមត្ថកិច្ចចម្រុះ បានតាមដាន តាំងពីគោលដៅ ឡើងរថយន្ត ដោយ ឈ្មោះ យឹម នៅ បានធ្វើសកម្មភាពបើកបររថយន្តម៉ាកCamry ពណ៌ស ស្លាកលេខ ព្រះសីហនុ2A-1354 ដឹកមនុស្សចំនួន០៥នាក់ ស្រី០១នាក់ សង្ស័យជនជាតិថៃ លួចឆ្លងដែន ទៅប្រទេសថៃ ហើយអ្នកទាំង០៥នាក់ បានរត់ចូលទឹកដីថៃបាត់ បន្សល់ទុកនៅ វាលីដាក់ខោអាវ ចំនួន០២ និង ឆ្នាំងអ៊ុត ខោអាវ ចំនួន០១ ។សមត្ថកិច្ចឃាត់បាន តែជនសង្ស័យចំនួន០៣នាក់ រួមទាំងវត្ថុតាង ត្រូវបានកម្លាំងកងរាជអាវុធហត្ថក្រុងប៉ោយប៉ែត នាំខ្លួនទៅមូលដ្ឋានកងរាជអាវុធហត្ថក្រុងប៉ោយប៉ែត ដើម្បីសួរនាំ ។ ជាមួយគ្នានេះ នៅវេលាម៉ោង១២:១២នាទី លោក នួន នីណារ៉ូ មេបញ្ជាការមូលដ្ឋាន កងរាជអាវុធហត្ថក្រុង ប៉ោយប៉ែត បានឱ្យដឹថា កងកម្លាំងរបស់លោក បានសហការគ្នា ជាមួយអង្គភាពផ្សេងទៀតចំនួន០២អង្គភាព រហូតធ្វើការឃាត់ខ្លួនជនសង្ស័យបានចំនួន០៣នាក់ ដែលនាំមនុស្សឆ្លងដែនខុសច្បាប់ពិតប្រាកដមែន ។ ហើយជនសង្ស័យទាំងនោះ កំពុង សួរនាំ និងបញ្ជូន ទៅ បន្ត ទៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដើម្បីចាត់ការតាមនិតិវិធីច្បាប់ ៕
ព័ត៌មានគួរចាប់អារម្មណ៍
លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)
ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)
ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)
រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)
មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()
វីដែអូ