បឹងយក្ខលោមស្ថិតនៅសង្កាត់យក្ខលោមក្រុងបានលុងខេត្តរតនគិរីជាតំបន់រម្មណីដ្ឋានធម្មជាតិ
(ខេត្តរតនគិរី):បាតុភូតធម្មជាតិនាំអោយបឹងយក្ខឡោមមានសភាពល្អក់នេញបើតាមការអះអាងរបស់មន្រ្តីជំនាញ។
បឹងយក្ខលោមស្ថិតនៅសង្កាត់យក្ខលោមក្រុងបានលុងខេត្តរតនគិរីជាតំបន់រម្មណីដ្ឋានធម្មជាតិមានមួយដ៏មានសក្តានុពលបំផុតសម្រាប់ទាក់ទាញភ្ញៀវទសចរជាតិ-អន្តជាតិមកទស្សនាកំសាន្ត។ប៉ុន្តែរយៈពេលប៉ុន្មានថ្ងៃ
នេះពោលគឺចាប់ពីថ្ងៃទី២០ខែកុម្ភះឆ្នាំ២០២១ផ្ទៃបឹងទាំងមូលមានសភាពល្អក់ប្លែកខុសពីធម្មតា។
លោក ផុន ខេមរិន្ទ ប្រធានមន្ទីរបរិស្ថានខេត្តរតនគិរីបានអោយដឹងនៅថ្ងៃទី២១ខែកុម្ភៈនេះថា សភាពល្អក់របស់
បឹងយក្ខលោមអាចបណ្តាលមកពីកត្តាបាតុភូតធម្មជាតិ។ លោកបន្តថា
កាលកាលពីដប់ឆ្នាំមុនពោលគឺនៅឆ្នាំ២០១១បឹងយក្ខឡោមនេះក៏មានសភាពល្អកដូចគ្នានេះដែរហើយវាបាន
ថ្លាទៅវិញរយៈពេល១០ទៅ១៥ថ្ងៃ។ប្រធានមន្ទីរបរិស្ថាន
ខេត្តរូបនេះបន្តថា តាមសេចក្តីរាយការណ៍មកគឺ បឹង លំកុដ
និងបឹងយក្ខអោម យក្ខរ៉ា ស្ថិតនៅឃុំសេដាស្រុកលំផាត់ក៏ចាប់ផ្តើមមានសភាពល្អកដែរតាមគត់សម្គាល់
របស់លោកអោយតែប្រទេសជិតខាង មានព្យុះរឺបាតុភូតធម្មជាតិអ្វីមួយកើតឡើងគឺបឹងធម្មជាតិមួយនេះក៏មានសភាពល្អកដែរ។លោកបញ្ជាក់ថា សភាពល្អករបស់បឹងយក្ខលោមនិងបឹង លំកុដ បឹងយក្ខអោមយក្ខរ៉ាគឺមិនប៉ះពាល់ដល់
បរិស្ថានធ្ងន់ធ្ងរនោះទេគឺគ្រាន់តែរំខានដល់ការចុះមុជទឹកលេងរបស់ភ្ញៀងទេសចរប៉ុន្មានថ្ងៃប៉ុណ្ណោះ។
រីឯលោក ង៉ែត ពិទូ ប្រធានមន្ទីរទេចរណ៍ខេត្តរតនគិរីក៏បានអៈអាងស្រដៀងគ្នានេះដែរ
គឺជាបាតុភូតធម្មជាតិ គឺកើតឡើង១០ឆ្នាំម្តង ពេលនេះផ្ទៃទឹកបឹងមានសភាពថ្លាទៅវិញជាបណ្តើៗហើ៕
បើយោងតាមមន្រ្តីជំនាញនៃមន្ទីររ៉ែ និថាមពលខេត្តបានអោយដឹងផងដែរថាបឹងយក្សលោមមានមានភាពល្អក់នេះមិនមែនជាលើកទី១ទេ ដែលកាលពីប៉ុន្មានឆ្នាំមុនក៏មានសភាពបែប នេះកើតឡើងដែរដោយសារបាតុភូតធម្មជាតិនៃបន្ទុះភ្នំភ្លើង ហើយបឹងធម្មជាតិមួយនេះក៏មានសរសៃឈាមជាប់នឹងបន្ទុះភ្នំភ្លើងណាមួយនៅប្រទេសនៅក្នុងអាស៊ីដែលវាមានសរសៃឈាមជាប់នឹងបឹងយក្សលោមដោយផ្អែកតាមលក្ខណៈវិទ្យាសាស្ត្រ៕