(ខេត្តកំពត ): សម្ដេចក្រឡាហោមសខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញចូលរួមជាគណ:អធិបតី ក្នុងពិធីប្រកាសចូលកាន់មុខតំណែងអភិបាល នៃគណ:អភិបាលខេត្តកំពត នៅរសៀលថ្ងៃពុធ ៧កើតខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣ ខែតុលា ឆ្នាំ២០២១ ។

ក្នុងពិធីនោះដែរមានការចូលរួមពីសំណាក់ឧបនាយករដ្ឋមន្រ្តីរដ្ឋមន្រ្តីក្រសួងមហាផ្ទៃ និងក្រសួងពាក់ព័ន្ធ ក៏ដូចជាឯកឧត្ដមលោកជំទាវ អ្នកឧកញ៉ាលោក លោកស្រី ព្រមទាំងកងកម្លាំងប្រដាប់អាវុធទាំង៣ ប្រភេទ ។

អង្គពិធីប្រព្រឹត្តទៅយ៉ាងឪឡារឹក និងគោរពតាមគោលការណ៍របស់ក្រសួងសុខាភិបាល ៣កុំ ៣ការពារ ពាក់ម៉ាស់ រក្សារគម្លាតសុវត្ថិភាព និងធ្វើតេស្តរក មេរោគកូវីឌ -១៩ មុននិងក្នុងអង្គពិធី ។
ឯកឧត្ដម ម៉ៅធនិន ឡើងថ្លែងសន្ទរកថា ក្នុងអង្គពិធី និងសូមថ្លែងអំណរព្រះគុណ និងអរគុណ ពីសំណាក់សម្ដេច ព្រះនរោត្ដមសហមនី បានចេញសារលិខឹតត្រាស់បង្គាប់ឲ្យឯកឧត្ដម ចូលកាន់មុខតំណែង ជាអភិបាលខេត្តកំពត និងអរគុណសម្ដេចក្រឡាហោមសខេងឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ដែលជាគណ:អធិតីក្នុងអង្គពិធី។

សូមបញ្ជាក់ផងដែរថាពិធីប្រកាសចូលកាន់មុខតំណែង ជាអភិបាលខេត្តកំពតនេះដែរ ប្រព្រឹត្តធ្វើ ឡើងនៅក្នុងបរិវេន សាលាខេត្តកំពតផ្ទាល់តែម្ដង។