ដើម្បីធានាបាននូវនិរន្តរភាពធនធានជលផលរបស់យើងប្រជាពលរដ្ឋគួរគម្បីភ្ញាក់រលឹកដោយខ្លួនឯងហើយចូលរួមលុបបំបាត់នូវបទល្មើសនេសាទនានាដែលប្រើឧបករណ៍ខុសច្បាប់ នេះជាការលើកឡើងរបស់ ឯកឧត្តម ថង សាវុន អភិបាលនៃគណអភិបាលខេត្ត។ ការលើកឡើងរបស់អភិបាលខេត្តរតនគិរី បែបនេះក្នុងឱកាសដែលឯកឧត្តមរួម និង ឯកឧត្តមអភិបាលរងខេត្តប្រធាន,អនុប្រធានមន្ទីរអង្គភាពជុំវិញខេត្ត អញ្ជើញចូលរួមក្នុងពិធីផ្សព្វផ្សាយបង្ការទប់ស្កាត់បទល្មេីសជលផល និងដុតកំទេចចោលឧបករណ៍នេសាទខុសច្បាប់នៅស្រុកវើនសៃ នាព្រឹកថ្ងៃទី២៥ខែកក្កដាឆ្នាំ២០២០។ ថ្លែទៅកាន់ប្រជាសហគមន៍ប្រមាណជាង១០០នាក់ដែលបានចូលរួម ឯកឧត្តម ថងសាវុន បានលើកឡើងថាការភ្ញាក់រឭករបស់ប្រជាពលរដ្ឋដែលបាននាំយកឧបករណ៍ ឆក់ត្រីមកប្រគល់ឲ្យសមត្ថកិច្ច ដើម្បីដុតបំផ្លាញចោលនេះ គឺជាជោគជ័យថ្មីមួយទៀត ក្នុងការលុបបំបាត់បទល្មើសនេសាទនៅក្នុងខេត្ត ដើម្បីធានាបាននូវនិរន្តរភាពធនធានជលផលរបស់យើង។ ឯកឧត្តម បានជម្រុញអោយសមត្ថកិច្ចនិងអាជ្ញាធរពាក់ព័ន្ធ រួមទាំងអង្គការក្រៅរដ្ឋាភិបាល និង ប្រជាសហគមន៍នេសាទ បន្តចូលរួមបំផុសចលនាប្រជាពលរដ្ឋ តាមរយៈការអប់រំពីផ្លូវច្បាប់ទាក់ទងនិងវិស័យជលផល ដល់ពលរដ្ឋទូទៅ ពិសេស ប្រជានេសាទនៅដងទន្លេ បឹងបួ មិនត្រូវប្រើប្រាស់ឧបករណ៍ខុសច្បាប់ដែលច្បាប់បានហាមឃាត់ឡើយ ធ្វើយ៉ាងណាអោយប្រជាពលរដ្ឋរបស់យើងបានយល់ដឹងកាន់តែច្បាស់អំពីតម្លៃធនធានមច្ចាជាតិនិងត្រូវមានវិធានការផ្លូវច្បាប់ចំពោះគ្រួសារ នេសាទណា ដែលនៅតែបន្តប្រើប្រាស់ឧបករណ៍ឆក់លបឆ្មក់នេសាទទៀត។ ឯកឧត្តម ក៏បានអំពាវនាវឲ្យពលរដ្ឋទាំងអស់ត្រូវបញ្ឈប់ជាបន្ទាន់នូវការផលិត ទិញ លក់ ដឹកជញ្ជូន រក្សាទុកឧបករណ៍ខុសច្បាប់នេះពីព្រោះបើយោងតាមច្បាប់ជលផលអ្នកប្រព្រឹត្តបទល្មើសនេះ នឹងត្រូវប្រឈមនិងការផ្ដន្ទាទោស ដាក់ពន្ធនាគារ និងត្រូវពិន័យជាប្រាក់ថែមទៀតផង។ ឧបករណ៍នេសាទខុសច្បាប់ដែលដុតបំផ្លាញចោលនាពេលនេះមានចំនួន៣០គ្រឿងដែលជាការភ្ញាក់រឭករបស់បងប្អូនប្រជាពលរដ្ឋដែលរស់នៅតាមឃុំនានាក្នុងស្រុកវើនសៃបានប្រគល់ជូនអាជ្ញាធរសមត្ថកិច្ចនាពេលកន្លងមក៕
ព័ត៌មានគួរចាប់អារម្មណ៍
បែកធ្លាយកម្លាំងល្បាតយោធាម្នាក់ ក្នុងចំណោម៤នាក់ រើសបានថ្នាំញៀន២ការ៉ុង ស្មើ៤២កញ្ចប់កន្លងមក ត្រូវសមត្ថកិច្ចស្រាវជ្រាវរកឃើញ២កញ្ចប់បន្ថែម និងឃាត់ខ្លួនបានជនសង្ស័យម្នាក់ (សហការី)
សត្វស្វាស្រូវ១ក្បាល និងពស់ថ្លាន់១ ត្រូវបានមន្រ្តីអភិរក្សសត្វព្រៃ យកទៅលែងក្នុងព្រៃបែបធម្មជាតិវិញ (សហការី)
សមត្ថកិច្ចចម្រុះស្រុកកែវសីមា ឆ្មក់បង្រ្កាបរថយន្តដឹកឈើខុសច្បាប់បាន១គ្រឿង ()
ក្នុងការកាត់ប្លង់ដីផ្ទេរកម្មសិទ្ធិពីឳពុកម្តាយមកកូន ឬផ្ទេរកម្មសិទ្ធិដីធ្លីតាមរយ: ការទិញលក់ (សហការី)
វីដែអូ
ចំនួនអ្នកទស្សនា