រួមគ្នាទប់ស្កាត់នៅការរាលដាលមេរោគកូវីដ១៩តាមការណែនាំរបស់ក្រសួងសុខាភិបាល
(ខេត្តបាត់ដំបង):ខ្មែរប្រុសស្រី៣៨នាក់ចាញ់បោកមេខ្យល់ត្រូវបនកម្លាំងយោធាឈុតខ្មៅថៃចាប់ខ្លួននិងបញ្ជូនមកឲ្យសមត្ថកិច្ចកម្ពុជាវិញ
ខេត្តបាត់ដំបង,ស្រុកសំពៅលូន
នៅក្នុងអំឡុងពេលដែលស្ថានភាពនៃការគំរាមកំហែងដោយករណីCovid-19នៅតែបន្តមានជារៀងរាល់ថ្ងៃរីឯការធ្វើដំណើរវិលចូលមកក្នុងប្រទេសវិញរបស់ប្រជាពលរដ្ឋយើងនៅតែមានជាបន្តបន្ទាប់នោះបានកត់សម្គាល់ឃើញថាមានការលបលួចឆ្លងដែនដោយខុសច្បាប់ ទៅប្រកបមុខរបរឬបំពេញការងារផ្សេងៗនៅក្នុងប្រទេសថៃ ពីសំណាក់ប្រជាពលរដ្ឋ ក៏នៅតែកើតមានជាបន្តបន្ទាប់ទោះបីជាមានកិច្ចខិតខំប្រឹងប្រែងទប់ស្កាត់ពីសំណាក់អាជ្ញាធរមានសមត្ថកិច្ចពាក់ព័ន្ធក្នុងមូលដ្ឋានយ៉ាងណាក៏ដោយ ។ ជាក់ស្តែងកាលពីរសៀលថ្ងៃទី ៥ ខែ មិថុនា ឆ្នាំ២០២០ វេលាម៉ោង១៣និង៤០នាទី កម្លាំងនគរបាលនៃអធិការដ្ឋាននគរបាលស្រុកសំពៅលូនដែលមានលោកវរសេនីយ៍ឯក ពេជ្រ សារ៉ែន ជាអធិការនគរបាលស្រុក និងកម្លាំងនគរបាលវរសេនាតូចការពារព្រំដែនគោកលេខ៨១៧ដែលមានលោកវរសេនីយ៍ឯក ប្រាក់ សាយ ជាមេបញ្ជាការវរៈ បានសហការណ៍ជាមួយកម្លាំងផ្នែកសឹករងស្រុកសំពៅលូន និងកម្លាំងទាហ៊ានឈុនតខ្មៅនៃព្រះរាជាណាចក្រថៃ ក្នុងកងអនុសេនាធំលេខ១៣០៣ ធ្វើការទប់ស្កាត់ទាន់ពេលវេលាចំពោះប្រជាពលរដ្ឋខ្មែរ ដែលបានលបលួចឆ្លងដែនចូលទៅក្នុងទឹកដីថៃដោយខុសច្បាប់ក្រោមការបំផុសឃោសនាអូសទាញដោយក្រុម(មេខ្យល់)ផងនោះមានចំនួន៣៨នាក់ក្នុងនោះស្រីចំនួន១៧នាក់ ហើយត្រូវបានអាជ្ញាធរថៃឃាត់ខ្លួននិងបញ្ជូនមកឱ្យសមត្ថកិច្ចយើងវិញ។ ចំពោះបញ្ហានេះលោកវរសេនីយ៍ឯក ពេជ្រ សារ៉ែន អធិការនគរបាលស្រុកសំពៅលូន បានបញ្ជាក់ថា បន្ទាប់ពីទទួលបាននូវប្រជាពលរដ្ឋទាំង៣៨នាក់នេះមន្រ្តីសុខាភិបាលដែលប្រចាំការនៅមូលដ្ឋានបានធ្វើការ តាមជំនាញ(ពិនិត្យសុខភាព)រួចរាល់ទើបប្រគល់មកឱ្យនគរបាលស្រុកធ្វើការសាកសួរបំភ្លឺ ហើយក្នុងចំណោមនោះមានក្រុម(មេខ្យល់)ចំនួន០៣នាក់ដែលជាអ្នកដឹកនាំឱ្យមានការលួចឆ្លងដែនដោយខុសច្បាប់នេះដែលក្នុងចំនួន០៣នាក់ ត្រូវបានសមត្ថកិច្ចនគរបាលកសាងសំណុំរឿងបញ្ជូនមកការិយាល័យជំនាញដើម្បីចាត់ការតាមនីតិវិធី រីឯប្រជាពលរដ្ឋចំនួន ៣៥នាក់ បានធ្វើការអប់រំណែនាំពួកគាត់កុំឱ្យចាញ់បោកការឃោសនា អូសទាញពីសំណាក់ក្រុមមេខ្យល់ទៀត រួចបានអនុញ្ញាតឱ្យពួកគាត់វិល ត្រឡប់ទៅលំនៅដ្ឋានវិញ។
ក្នុងនាមស្នងការនៃស្នងការដ្ឋាននគរបាលខេត្តបាត់ដំបងសូមធ្វើការអំពាវនាវចំពោះប្រជាពលរដ្ឋយើង សូមកុំឱ្យចាញ់បោកការឃោសនាអូសទាញពីសំណាក់ក្រុម(មេខ្យល់) ដែលនាំបងប្អូនឱ្យចូលទៅក្នុងទឹកដីថៃដោយខុសច្បាប់នេះឱ្យសោះព្រោះនេះគឺជារឿងខុសច្បាប់ហើយក៏ប្រឈមខ្លាំងជាមួយនឹងការណីឆ្លង ជម្ងឺCovid-19ផងដែរ៕