ខេត្តបាត់ដំបង ៖ ភោគផលធម្មជាតិរបស់ខ្មែរ ដែលបានដឹកឆ្លងកាត់ច្រកព្រំដែនក្នុងគោលបំណងយកទៅលក់នៅក្នុងទីផ្សាររបស់ប្រទេសថៃត្រូវបានកុងត្រូលក្រោមឆ័ត្រដែលស្ថិតនៅក្បែច្រកព្រំដែនកំណត់អោយបង់ភាសុី ដែលវាគឺជារឿងមួយគួរអោយអស់សំណើចព្រោះការទាមទាអោយបង់ភាសុីឬបង់ពន្ធគឺគេច្រើនធ្វើទៅលើទំនិញដែលនាំចេញពីប្រទេសថៃចូលមកកម្ពុជាប្រហែលជាសមជាង ។ការដាក់ទីតាំងឈរជើងនៅក្រោមម្លប់ឆ័ត្ររបស់កម្លាំងពិសេសនេះគឺស្ថិតនៅចម្ងាយប្រមាណ៥០ ម៉ែត្រពីមាត់អូរព្រំដែន គឺនៅមាត់ច្រកអន្តរជាតិដូងស្ថិតក្នុងភូមិសាស្ត្រស្រុកកំរៀងខេត្តបាត់ដំបង។ដោយគេនៅលាយឡំជាមួយនឹងកម្លាំងអន្តោប្រវេសន៍ផង កម្លាំងគយផងនិងកម្លាំងចម្រុះផ្សេងៗទៀតផងដែរគឺនៅមាត់ច្រកទ្វាអន្តរជាតិតែមួយដើម្បីទាយកភាសុីពីរថយន្តដឹកទំនិញនានាទាំងការនាំចេញ និងការនាំចូល ។ស្ត្រីជអាជីវករមួយរូបដែលមានទីលំនៅក្នុងភូមិសាស្ត្រស្រុកសំពៅលូនបានបញ្ជាក់ប្រាប់ភ្ញាក់ងារយកព័ត៍មានកាលពីរសៀលថ្ងៃទី១២ម្សិលមុិញនេះថា ជាទូទៅគាត់តែងតែនាំយកនូវភោគផលធម្មជាតិរបស់ខ្មែរទៅលក់នៅក្នុងទីផ្សាររបស់ប្រទេសថៃដែលស្ថិតនៅក្បែច្រកព្រំដែនអន្តរជាតិដូង គឺនៅក្នុងផ្សារ(បានឡែម )ព្រោះវាគឺជាភោគផលធម្មជាតិក្នុងស្រុករបស់ប្រទេសកម្ពុជា ។ស្ត្រីរូបនេះបានបន្តថាថ្មីៗនេះគាត់បានដឹកផ្លែពង្រ និងផ្លែក្រសាំងដើម្បីយកទៅលក់ក្នុងផ្សារថៃដូចសព្វមួយដងប៉ុន្តែពេលទៅដល់ក្បែមាត់ច្រកស្រាប់តែមានបុរសម្នាក់ដែលឈរនៅក្រោមឆ័ត្រលាយឡំជាមួយនឹងសមត្ថកិច្ចដែរនោះបានអះអាងថាខ្លួនគេគឺជាក្រុមភាសុីមកពីខេត្តព្រមទាំងបានកំណត់អោយគាត់បង់ភាសុីទៅលើទំនិញដែលគាត់ត្រៀមដឹកឆ្លងដែននោះ ។ដោយទ្រាំមិនបានគាត់ក៏សួរសំណួរទៅវិញថា ផ្លែឈើទាំងនេះគឺជារបស់ធម្មជាតិខ្មែរហើយនេះក៏មិនមែននាំចូលពីក្រៅប្រទសថៃគឺគាត់ដឹកចេញទៅលក់នៅក្នុងផ្សារថៃវាមានតែភាសុីខាងភាគីថៃទេដែលត្រូវទាមទាវាមិនគួរខាងខ្មែរទាមទាដែរនោះទេហើយម៉្យាងទៀតគាត់ក៏ត្រូវបង់ទៅលើប៉ូលិសច្រកអន្តោប្រវេសន៍ច្រកនិងគយច្រកជាដើមលុះឆ្លងទៅដល់ខាងថៃក៏ត្រូវបង់ម្តងទៀត រួមជាមួយនិងភាសុីថៃផងដែរ ។នៅព្រឹកថ្ងៃទី ១៣ នេះ លោក សុខ គឹមខុន អភិបាលស្រុកកំរៀង បានបញ្ជាក់យ៉ាងច្បាស់ថា គឺមិនអាចមានដាច់ខាតព្រោះវាជាការនាំចេញនូវកសិផល ធម្មជាតិរបស់ខ្មែរទៅកាន់ទីផ្សារបរទេសដូច្នេះភាសុីមិនមានសិទ្ធិទៅធ្វើបែបហ្នឹងនោះទេគឺមានសិទ្ធិយកនៅបេនតែប៉ុណ្ណោះបើទោះបីជាភាសុីនោះថ្នាក់ស្រុកឬថ្នាក់ខេត្តក៏ដោយ ។ជាចុងក្រោយលោកបានសង្កត់ធ្ងន់ថាលោកនឹងចាត់កម្លាំងមន្ត្រីរបស់លោកអោយចុះទៅពិនិត្យមើលដើម្បីចង់ដឹងថាតើលោកភាសុីដែលមកឈរនៅក្រោមឆ័ត្រ លាយឡំជាមួយនិងសមត្ថកិច្ចនោះមានប្រភពចេញមកពីណាងាយស្រួលមានវិធានការតាមផ្លូវច្បាប់ ៕ មួន រិទ្ធីយ៉ា
ព័ត៌មានគួរចាប់អារម្មណ៍
លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)
ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)
ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)
រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)
មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()
វីដែអូ