ខេត្តស្ទឹងត្រែង: ថ្ងៃទី១០ ខែមិថុនា ២០២០ វេលាម៉ោង២០,៤០នាទីយប់ មានករណីផ្ទុះអាវុធជាច្រើនគ្រាប់ក្នុងដែនជម្រកសត្វព្រៃ ធ្វើឲ្យមានការភ្ញាក់ផ្អើលទាំងយប់ ដល់សមត្ថកិច្ច ក៍ដូចពលរដ្ឋរស់នៅក្បែនោះ មិនដឹងមូលហេតុគេសង្ស័យថាជាករណី បរបាញ់សត្វក្នុងដែនកំពង់តែគ្រប់គ្រង អភិរក្សដោយអង្គការប៉ើតឡាយ នឹងមន្ត្រីមបរិស្ថានឧទ្យានុរក្ស ចំណុចUTM0636244.1563741 ភូមិសាស្ត្រត្រពាំងអង្ក្រង ភូមិខិស្វាយ ឃុំព្រែកមាស ស្រុកសៀមប៉ាង ខេត្តស្ទឹងត្រែង។

នៅថ្ងៃទី១១ ខែមិថុនា ២០២០ ក្រុមការងារយុទ្ធភូមិភាគទី១ ដឹកនាំដោយលោកខេង សារុន មេបញ្ជាការរងយោធភូមិភាគទី១ ដឹកនាំក្រុមការងារកម្លាំងចម្រុះមានដូចជាលោក គង់ សាវឿន មេបញ្ជាការរងកងរាជអាវុធហត្ថខេត្តនិងក្រុមការងារថ្នាក់ស្រុកដឹកនាំដោយលោក ស៊ុយ អិុនឡនអភិបាលរងស្រុកសៀមប៉ាង នឹងមន្ត្រីបរិស្ថានស្រុក បានចុះទៅពិនិត្យទីតាំងកើតហេតុផ្ទុះអាវុធនៅក្នុងដែនជម្រកសត្វព្រៃសៀមប៉ាងខាងលើ។

បើតាមលោកខេង សារុន មេបញ្ជាការរងយោធភូមិភាគទី១ បានឲ្យដឹងថាតាមការបំភ្លឺរបស់ក្រុមមន្ត្រីឧទ្យានុរក្សថា កាលពីយប់វេលាម៉ោង ២០និង៤0 នាទីយប់
ថ្ងៃទី១០មិថុនា២០២០ នៅចំណុចខាងលើមានក្រុមជនមិនស្គាល់មុខប្រដាប់ដោយអាវុធកែឆ្នៃ បានបាញ់មួយគ្រាប់ហើយក្រុមល្បាតបានចុះត្រៀមកម្លាំង ពេលនោះក្រុមជនល្មើសបានបាញ់មកលើទីតាំងស្នាក់នៅរបស់ក្រុមមន្ត្រីឧទ្យានុរក្សចំនួន ០២ គ្រាប់ទៀតក្រុមល្បាតក៏បាញ់ តបតទៅវិញដើម្បីការពារខ្លួន គ្រានោះក្រុមជនល្មើសក៏បានបាញ់សន្ធប់មកលើក្រុមល្បាតជាច្រើនគ្រាប់ហើយក្រុមយើងបាញ់តបទៅវិញជាច្រើនគ្រាប់ដែរ ធ្វើឲ្យក្រុមជនល្មើសដកថយទៅវិញតែម្តង តែពុំមានស្លាកស្នាមបន្សល់ជាភស្តុតាងឡើយ។

លោកតាម៉ៅ ព្រះ ភេទប្រុសអាយុ ៨៧ ឆ្នាំ ធ្វើស្រែនៅក្បែរដែនជម្រកសត្វព្រៃទីនោះចម្ងាយ ៣គីឡូម៉ែត្របានមានប្រសាសន៍ថា កាលពេលកាលវេលាម៉ោង ៨ ជាងគាត់បានឮគ្រាប់កាំភ្លើងបាញ់ជាច្រើនគ្រាប់តែគាត់មិនបានដឹងថាជាអ្នកណាបាញ់ឡើយ ហើយក៍មិនដឹងថាការផ្ទុះអាវុធខាងលើនោះជាករណីអ្វីដែរ គ្រាន់តែធ្វើឲ្យពួកគាត់មានការភ្ញាក់ផ្អើលទាំងយប់តែប៉ុណ្ណោះ។

លោកខេង សារុន មេបញ្ជាការងយោធភូមិភាគទី១បានបន្តទៀតថា លោកបញ្ចាឲ្យកម្លាំងយោធាក្នុងយុទ្ធភូមិភាគ១ទាំងអស់ តាមបណ្ដោយព្រំដែនត្រូវស្ទាក់ចាំមើលក្រែងជាប្រជាជនឡាវ លួចចូលឆ្លងដែនខុសច្បាប់មកបរបាញ់សត្វនៅក្នុងដែនជម្រកសត្វព្រៃ ដែលយើងកំពង់តែអភិរក្ស ព្រោះសត្វព្រៃនៅពេលនេះ វាកំពង់រងនូវការគម្រាមគំហែង ពីមនុស្សអគតិមួយចំនួនប៉ុនប៉ងសម្លាប់ព្រោះតែប្រយោជន៍ខ្លួន។

គួរបញ្ចាក់ថា:នៅយប់ថ្ងៃកើតហេតុគេប្រទ:ឃើញ មនុស្សប្រមាណជា៩នាក់មិនស្គាល់អត្តសញ្ញាណ ប្រដាប់ដោយអាវុធកែឆ្នៃ នឹងគូមឆ្លុះគ្រប់គ្នាចូលបរបាញ់សត្វ ក្នុងដែនអភិរក្ស ដែលសមត្ថកិច្ចកំពង់តែគ្រប់គ្រង ក៍បានប្រទះនឹងក្រុមល្បាតក្រោយផ្ទុះអាវុធ១គនរាប់ដំបូង ទើបធ្វើឲ្យផ្ទុះអាវុធ ដាក់គ្នាមួយប្រាវដើម្បីដោះខ្លួន ជាក់ស្តែងវត្ថុតាងរកឃើញរកឃើញ បន្សល់នៅសំបកគ្រាប់អាកា៤៧ ចំនួន១២គ្រាប់ នៅនឹងកន្លែងកើតហេតុ
បច្ចុប្បន្នសមត្ថកិច្ចកំពង់ ដាក់កម្លាំងពង្រាយនឹងស្រាវជ្រាវ រកមុខសញ្ញាជនបង្កចាត់ការតាមច្បាប់។

ដោយ!មាស សុផាត