ខេត្តស្ទឹងត្រែង: លោកអភិបាលនៃគណ:អភិបាលខេត្ត ដឹកនាំមន្ត្រី មន្ទីរជុំវិញខេត្ត កងកម្លាំងប្រដាប់អាវុធទាំង៣ នឹងរដ្ឋបាលស្រុកបុរីអូរស្វាយសែនជ័យ រដ្ឋបាលស្រុកសៀមប៉ាង នឹងពលរដ្ឋទាំងពីរស្រុក ជាប់គ្នាចុះដាំគ្រាប់ពូជ ត្នោត នៅតាមដងផ្លូវបំបែកពីទីរួមស្រុកសៀមប៉ាង ចំណុចអូរគួក តាមខ្សែបន្ទាត់ផ្លូវព្រំដែនកម្ពុជា ឡាវ ចំនួន១០ម៉ឺនគ្រាប់នៅថ្ងៃទី៣០ ឧសភា ២០២០។

លោក ផាន់ យុតអភិបាលនៃគណៈអភិបាលស្រុកសៀមប៉ាងបានមានប្រសាសន៍ស្វាគមន៍ដល់វត្តមាន គណះប្រតិភូ លោកអភិបាលខេត្ត លោក ស្នងការរង មេបញ្ជាការ មេបញ្ជាការរង ជាកងកម្លាំងទ័ពស្រួច ខ្សែបន្ទាត់ព្រំដែន លោក លោកស្រី ជាថ្នាក់ដឹកនាំបណ្ដាមន្ទីរអនុប្រធានមន្ទីរ នឹងមន្ត្រីរាជការទាំងអស់ ដោយភាពកក់ក្តៅ បំផុត។

ក្នុងនោះដែរលោកមានក្ដីសប្បាយរីករាយដែលរដ្ឋបាលខេត្តដឹកនាំដោយ អភិបាលខេត្ត ដែលបាននាំយកគ្រាប់ពូជត្នោតមកដាំនៅមូលដ្ឋានស្រុកសៀមប៉ាង ហើយលោកក៏បានដឹកនាំមន្ត្រីរាជការក្នុងរដ្ឋបាលសាលាស្រុកទាំងអស់ចូលរួមយ៉ាងក្ដីរីករាយ។

ក្នុងនោះផងដែរលោក អ៊ុក ធាវីប្រធានមន្ទីរព័ត៌មានខេត្ត ក៍បានមានប្រសាសន៍ថា លោកក៏បានដឹកនាំមន្ត្រីរាជការក្នុងមន្ទីរព័ត៌មានទាំងអស់មកចូលរួមក្នុងកម្មវិធីនេះដែរ ហើយលោកបន្តទៀតថា នេះជាលើកទី៣ហើយ ដែលលោកអភិបាលខេត្តបាននាំគ្រាប់ពូជត្នោតមកដាំនៅតាមបន្ទាត់ព្រំដែនកម្ពុជា ឡាវយើងនេះ។

លើកទី១.ដាំនៅចំណុចបង្គោលព្រំដែនលេខ៧១ ដល់ចំណុចព្រំដែនបង្គោលលេខ៧៥ ដាំបានចំនួន៣ម៉ឺនគ្រាប់ លើកទី២.ពីចំនុចបង្គោលព្រំដែនលេខ៧៥ ដល់៧៨ដាំបាន ចំនួន៥ម៉ឺនគ្រាប់ លើកទី៣.នេះមានចំនួន១០ម៉ឺនគ្រាប់ ពីរចំណុចអូឫស្សីផ្លូវបំបែកពីទីរួមស្រុកសៀមប៉ាង ទៅព្រំដែនចំណុចពូគួកបង្គោលព្រំដែនលេខ៧៨។

លោកបានបញ្ជាក់ថាដើមត្នោតជាកេរមរតកដូនតានៃវប្បធម៌ជាតិយើងនៅពេលដែលគ្រាប់ពូជនេះ ដុះលូតលាស់ចេញរៀងជាដើម វាធំឡើងអាចផ្ដល់អត្ថប្រយោជន៍ដល់វិស័យទេសចរណ៍ នៅតាមព្រំដែននិងអាចកែប្រែកំណើនសេដ្ឋកិច្ចស្រុកខេត្តអាចកាត់បន្ថយភាពក្រីក្រ របស់ប្រជាពលរដ្ឋនៅក្នុងតំបន់យើងនេះ។

លោកម៉ុម សារឿន អភិបាលនៃអណៈអភិបាលខេត្តស្ទឹងត្រែងបានមានប្រសាសន៍ ក្នុងឱកាសនោះថា: តំបន់
អូរគួកនេះ គឺជាតំបន់ដែលរងគ្រោះដោយសង្គ្រាម ជាតំបន់ឆ្លងកាត់របស់ខ្មែរក្រហមហើយគ្មានប្រជាជនណា អាចមករស់នៅរកស៊ីនៅទីនេះបានទេ ដោយសារគុណបំណាច់នៃរដ្ឋាភិបាលកម្ពុជាយើង ដឹកនាំដោយសម្ដេចអគ្គមហាសេនាបតីតេជោហ៊ុន សែន លោកបានចចារទ្វេភាគីជាមួយក្រុមផ្តាច់ខ្លួន របស់ខ្មែរក្រហមឱ្យចូលមករួមគ្នាដើម្បីកសាងប្រទេសជាតិ ឲ្យមានសុខសន្តិភាពពេញលេញបាន ដូច្នេះហើយទើបយើងមានឱកាសមកអភិវឌ្ឍន៍តំបន់នេះឲ្យមានផ្លូវមានស្ពានឆ្លងទន្លេពីរកន្លែងយ៉ាងស្រស់ស្អាត ។

លោកអភិបាលខេត្តបានបន្តថា នូវពេលមានអ្វីៗអស់នេះហើយ គឺកើតចេញពីមានសន្តិភាព យើងត្រូវកែច្នៃសោភ័ណភាពនៅទីនេះឲ្យមានសម្រស់ស្រស់បំព្រង ទើបយើងយកគ្រាប់ពូជត្នោតនេះ មកដាំតាមបណ្តោយសងខាងផ្លូវទាំងនេះ ពេលវាធំឡើងអាចទាក់ទាញភ្ញៀវទេសចរណ៍ មកកំសាន្តនៅទីនេះផងដែរ នេះជាមោទនភាពខ្ពស់របស់ថ្នាក់ដឹកនាំ គ្រប់លំដាប់ថ្នាក់ និងមន្ត្រីរាជការកងកម្លាំងប្រដាប់អាវុធទាំងអស់ ដែលបានរួបរួមគ្នាកសាង ការពារ និងអភិវឌ្ឍន៍នៅក្នុងតំបន់នេះ។

លោកអភិបាលខេត្តក៍បានបញ្ជាក់ផងដែរថា: អង្គភាពកងកម្លាំងប្រដាប់អាវុធ បណ្ដាមន្ទីរ និង ស្រុកចូលរួមត្រូវទទួលដាំគ្រាប់ពូជត្នោត នឹងថែទាំតាមចំនួននិងទីតាំង ដែលខ្លួនបានដាំដើម្បីឲ្យមានការលូតលាស់ល្អ កំណត់ដោយរដ្ឋបាលសាលាខេត្តស្ទឹងត្រែង ជាអ្នកតាមដាននឹងជម្រុញគ្រើនរំលឹក។

ដោយ!មាស សុផាត