ថ្ងៃសៅរ៍ ទី០៦ ខែមិថុនា ឆ្នាំ២០៥០
គេហទំព័រ នាគមាសទំនាក់ទំនងលេខ:0977007424/017621982/0967316127
ប្រធានសាខាកាកបាទក្រហមខេត្តត្បូងឃ្មុំ បន្តចុះសួរសុខទុក្ខ និងនាំយកអំណោយចែកជូនពលរដ្ឋជនងាយរងគ្រោះ ទីទាល់ក្រ ក្នុងស្រុកក្រូចឆ្មារ
Thu,21 May 2020 (Time 04:48 PM)
ដោយ ៖ សហការី (ចំនួនអ្នកអាន: 25នាក់)

(ត្បូងឃ្មុំ)៖ នៅថ្ងៃទី២១ខែឧសភាឆ្នាំ២០២០ឯកឧត្តមបណ្ឌិត ជាម ច័ន្ទសោភ័ណ ប្រធានគណៈកម្មាធិការសាខាកាកបាទក្រហមខេត្ត និងជាអភិបាលខេត្តត្បូងឃ្មុំ និងលោកជំទាវ និងឯកឧត្តម ស៊ាក ឡេង ប្រធានក្រុមប្រឹក្សាខេត្ត រួមជាមួយអភិបាលរងខេត្ត អាជ្ញាធរស្រុក និងក្រុមការងារ អញ្ជើញចុះសំណេះសំណាលសូរសុខទុក្ខ នាំយកអំណោយដ៍ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងរបស់សាខាកាកបាទក្រហមខេត្ត សរុប១៩៧កញ្ចប់ ទៅចែកជូនប្រជាពលរដ្ឋជាជនងាយរងគ្រោះ មានជីវភាពខ្វះខាត ទីទាល់ក្រចំនួន៥០ គ្រួសារ នៅបរិវេណវិទ្យាល័យក្រូចឆ្មារ និងពលករកំពុងដាក់ខ្លួននៅដាច់ដោយឡែកចំនួន២៧នាក់ នៅសាលាបឋមសិក្សាប៉ើស១ និង១២០កញ្ចប់ទៀត ផ្តល់ជូនទៅអនុសាខាកាកបាទក្រហមស្រុកក្រូចឆ្មារ ចែកជូនពលរដ្ឋជនងាយរងគ្រោះក្នុងមូលដ្ឋានរបស់ខ្លួនបន្ត។

ឯកឧត្តមបណ្ឌិត ជាម ច័ន្ទសោភ័ណ បានពាំនាំប្រសាសន៍ផ្តាំផ្ញើដោយក្តីនឹករលឹកពីសំណាក់ប្រមុខថ្នាក់ដឹកនាំដែលមានសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់ប្រជាពលរដ្ឋជាចនងាយរងគ្រោះទាំងអស់ក្នុងស្រុកក្រូចឆ្មារ ដោយក្តីនឹករលឹក អាណិតអាសូរបំផុត ដែលជានិច្ចជាកាល តែងតែគិតគូខ្វល់ខ្វាយពីសុខទុក្ខពលរដ្ឋខ្មែរគ្រប់ៗរូប ដោយមិនប្រកាន់ពូជសាសន៍ សាសនា រឺនិន្នាការនយោបាយនោះឡើយ «ពោលគឺទីណាដែលពលរដ្ឋមានទុក្ខលំបាក ទីនោះគឺមានសម្តេចទាំងទ្វេ»។

ឯកឧត្តមបណ្ឌិត អភិបាលខេត្ត គូសបញ្ជាក់ថា ដោយសារការឆ្វេងយល់និងដឹកនាំដ៍ត្រឹមត្រូវ របស់សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានឃុំគ្រងការសាយភាយជំងឺកូវីដ១៩ ដែលធ្វើឲ្យស្ថានការណ៍ជំងឺនេះនៅកម្ពុជាមានលក្ខណៈល្អប្រសើរ គឺអាចគ្រប់គ្រង និងការពារការឆ្លងបន្តបាន ប៉ុន្តែទោះជាយ៉ាងនេះក្តី គឺយើងមិនត្រូវភ្លេចខ្លូននោះឡើយ។

ឆ្លៀតក្នុងឱកាស ឯកឧត្តមបណ្ឌិត ជាម ច័ន្ទសោភ័ណ បានក្រើនរំលឹកថា បើទោះបីនាពេលនេះ អ្នកឆ្លងជំងឺកូវីដ១៩នៅកម្ពុជា ត្រូវបានក្រសួងសុខាភិបាល ប្រកាសថាជាសះស្បើយទាំងអស់ទៅហើយក្តី តែយើងមិនត្រូវភ្លេចខ្លួននោះឡើយ ដោយអំពាវនាវឲ្យបងប្អូនប្រជាពលរដ្ឋ បង្កើនការប្រុងប្រយ័ត្ន នៅក្នុងសកម្មភាពប្រចាំថ្ងៃរបស់ខ្លួន ត្រូវរក្សាអនាម័យជាប់ជានិច្ច មិនត្រូវជួបជុំឬប្រមូលផ្តុំគ្នានោះទេ។

ឯកឧត្តមបណ្ឌិត បន្ថែមថា ជាពិសេសអាជ្ញាធរស្រុក ឃុំ យុវជនកាកបាទក្រហម ស.ស.យ.ក ត្រូវរួមសហការគ្នាបញ្ជ្រាបការយល់ដឹង និងវិធានការនានាដែលរាជរដ្ឋាភិបាលកម្ពុជា ក្រសួងសុខាភិបាល និងរដ្ឋបាលខេត្តដែលបានដាក់ចេញ ឲ្យជ្រួតជ្រាបដល់ពលរដ្ឋក្នុងសហគមន៍ ធ្វើយ៉ាងណាដើម្បីការពារទប់ស្កាត់ ការឆ្លងរីករាលដល់ជំងឺកូវីដ១៩ជាថ្មី ដែលជា លេីកទី២នោះ។

សូមបញ្ជាក់ថា ចំពោះអំណោយដែលត្រូវបានចែកជូនជនងាយរងគ្រោះ៥០គ្រួសារចែកជូននាឳកាសនោះ និង១២០គ្រួសារទៀត ផ្តល់ជូនអនុសាខាកាកបាទក្រហមស្រុកក្រូចឆ្មារ សម្រាប់ចែកបន្ត ដោយក្នុងមួយគ្រួសារៗ ទទួលបានអង្ករ២៥គីឡូក្រាម ទឹកត្រី ទឹកស៊ីអ៊ីវ ត្រីខ មី ប្រេងឆា ម៉ាស់ អាកុល និងថវិការចំនួន២ម៉ឺនរៀល ដោយឡែកចំពោះពលករទាំង២៧នាក់ ទទួលបានគ្រឿងឧបភោគបរិភោគដូចគ្នា និងថវិការក្នុងម្នាក់ ១០ម៉ឺនរៀលផងដែរ៕

ព័ត៌មានគួរចាប់អារម្មណ៍

រោងសិប្បកម្មកែឆ្នៃឈើជាច្រើនកន្លែង រីកដុះដាលក្នុងស្រុកត្រពាំងប្រាសាទ សមត្ថកិច្ចនឹងមន្ត្រីជំនាញហាក់ដូចជាមើលរំលង (សហការី)

ព័ត៌មានគួរចាប់អារម្មណ៍

ទេសរដ្ឋមន្ដ្រី គន់ គីម បានអញ្ជើញប្រកាសតែងតាំងលោក ប្រាក់ សុវណ្ណ ជាប្រធានកិត្តិយសសមាគមន៍ អតីតយុទ្ធជនខេត្តព្រះវិហារ (សហការី)

ព័ត៌មានគួរចាប់អារម្មណ៍

ចោទថាគេឌឺដាក់ខ្លួន យុវជនម្នាក់តាមវ៉ៃយុវជនម្នាក់ទៀតបណ្តាលឲ្យស្លាប់ (សហការី)

ព័ត៌មានគួរចាប់អារម្មណ៍

រួមគ្នាទប់ស្កាត់នៅការរាលដាលមេរោគកូវីដ១៩តាមការណែនាំរបស់ក្រសួងសុខាភិបាល ()

ព័ត៌មានគួរចាប់អារម្មណ៍

នាយឧត្តមសេនីយ៍ សៅ សុខា អគ្គមេបញ្ជាការរង នៃ ខ.ភ.ម មេបញ្ជាការកងរាជអាវុធហត្ថលើផ្ទៃប្រទេស បានបង្ហាញការគាំទ្រយ៉ាងខ្លាំងចំពោះចំណាត់ (សហការី)

វីដែអូ