ខេត្តស្ទឹងត្រែង: រថយន្តប៉ែនពណ៌ទ្រីអ៉ី ពាក់ស្លាកលេខខ.ម លួចដឹកឈើអាប្រភេទក្តាជា៣ម៉ែត្រគូប ល្មើសច្បាប់ត្រូវកម្លាំងកងរាជអាវុធហត្ថខេត្ត សហការជាមួយកម្លាំងជំនាញ រដ្ឋបាលព្រៃឈើខេត្ត ចុះបង្ក្រាបទាន់ពេល នៅវេលាម៉ោង១៨,២៥នាទីល្ងាច ថ្ងៃទី១៩ ខែឧសភា ឆ្នាំ២០២០ ចំណុចលើផ្លូវជាតិលេខ៧ ស្ថិតក្នុងភូមិគីឡូ៨ សង្កាត់សាមគ្គី ក្រុង ខេត្តស្ទឹងត្រែង។

បើតាមរបាយការណ៍របស់នាយខណ្ឌរដ្ឋបាលព្រៃឈើខេត្ត លោកអន ច័ន្ទសុជាតិ បានឲ្យដឹងនៅថ្ងៃពុធ ១៤រោច ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២០ ខែឧសភា ឆ្នាំ២០២០ បានឲ្យដឹងដឹងថា: កម្លាំងជំនាញរដ្ឋបាលព្រៃឈើខេត្ត បានសហការជាមួយកម្លាំងកងរាជអាវុធហត្ថខេត្ត បានចាប់ឃាត់ករណីដឹកជញ្ជូនឈើអារ ល្មើសច្បាប់តាមបណ្តោយផ្លូវជាតិលេខ៧ នៅចំណុចខាងលើ។

ភ្លាមៗត្រូវបាននាំមកទីបញ្ជាការកងរាជអាវុធហត្ថខេត្ត ដើម្បីធ្វើការត្រួតពិនិត្យនិងវាសវែងជាក់ស្តែង ជាលទ្ធផលរួមមាន:
ឈើអារប្រភេទលេខ១និងលេខ២សរុបចំនួន១៤៦ដុំ/សន្លឹកស្មើនឹង៣,០៨៤ម៉ែត្រគូបត្រូវបានរក្សាទុកនៅខណ្ឌរដ្ឋបាលព្រៃឈើខេត្ត។

ចំណែករថយន្ត០១គ្រឿងប្រភេទប៉ែន ពណ៍ត្រេអីុ ពាក់ស្លាកលេខ ខេមរភូមិន្ទ01,3-6816
ត្រូវបានរក្សាទុកនៅទីបញ្ចាការដ្ឋានកងរាជអាវុធហត្ថខេត្ត ដើម្បីបន្តនិតិវិធីតាមច្បាប់។

ចំណែកជនប្រព្រឹត្តបទល្មើសដឹកជញ្ចូនឈើខុសច្បាប់ គឺជាមន្ត្រីយោធា បច្ចុប្បន្នពុំបានឃាត់ខ្លួនឡើយ ក្រោយពេលបានបំពេញបែបបទរួច។

ដោយ!មាស សុផាត