កោះកុង÷នៅថ្ងៃសុក្រ ១៥រោច ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០៩ ខែកក្កដា ឆ្នាំ២០២១ លោក សុខ សុទ្ធី អភិបាលរង នៃគណៈអភិបាលខេត្ត ជាអនុប្រធានគណៈកម្មាធិការគ្រប់គ្រងដីរដ្ឋខេត្តកោះ កុង លោក ឃឹម ចន័្ទឌី ប្រធានអនុគណៈកម្មការគ្រប់គ្រង និងចាត់ចែងសាកសពអ្នកជំងឺកូវិដ-១៩ លោក វណ្ណ សាលី តំណាងគណៈអុីមុំាខេត្ត លោកប្រធាន អនុប្រធានមន្ទីរ អភិបាលរងស្រុកកោះកុង ភូមិបាលស្រុក លោកស្រីមេឃុំត្រពាំងរូង និងជំនាញពាក់ព័ន្ធផ្សេងៗបានចុះទៅកំណត់ទីតាំងដីត្រៀមសម្រាប់បញ្ចុះសពសាសនិកឥស្លាមដែលស្លាប់ដោយជំងឺកូវីដ-១៩ ចំនួន៥ហិកតា នៅចំណុចដីសម្បទានសង្គមកិច្ចអតីតយុទ្ធជនស្រុកកោះកុង ស្ថិតក្នុងភូមិកកោះកុងក្នុង ឃុំត្រពាំងរូង ស្រុកកោះកុង ខេត្តកោះកុង។

ជាលទ្ធផលសម្រេចបានបន្ទាប់ពីការចុះពិនិត្យទីតាំងដីផ្ទាល់
១-កំណត់និយាកាលើទីតាំងជាក់ស្តែង ចាញ់ថ្នាំសម្គាល់កំណត់ព្រំដី។
២-កំណត់និយាយការដីសម្រាប់ឈូសឆាយធ្វើផ្លូវចូលទីតាំងត្រៀមសម្រាប់បញ្ចុះសពសាសនិកឥស្លាម។
៣-ត្រៀមតម្លើងស្លាកសញ្ញាថា(ជាដីទីស្មសានត្រៀមបញ្ចុះសពសាសនិកឥស្លាមទំហំ៥ហិកតា)។
៤-តំណងគណ:អុីមាំខេត្តកោះកុង និងសាមាជិកសាសិនកឥស្លាមសាទរចំពោះរដ្ឋបាលខេត្តដែលបានផ្តល់ទីតាំងដីត្រៀមសម្រាប់បញ្ចុះសពសាសនិកឥស្លាមដែលស្លាប់ដោយសារជំងឺកូវីដ-១៩។
ក្រោយពីបានចុះពិនិត្យទីតាំងជាក់ស្តែងរួចមក លោកអភិបាលរងខេត្ត ស្នើឲ្យគណ:អុីមុំាខេត្តកោះកុងក្រោយបានទទួលដីនេះហើយសូមជួយពន្លឿនការឈូសឆាយដីឲ្យបានលឿន និងថែរក្សាទីតាំងដីត្រៀមបញ្ចុះសពសាសនិកឥស្លាមដែលបានស្លាប់ដោយជំងឺកូវីដ-១៩ បានគង់វង្សសម្រាប់សានិកឥស្លាមជំនាន់ក្រោយៗទៀត ៕