( ភ្នំពេញ )÷ ស្របពេលដែលអាជ្ញាធរ ទើបសម្រេចបញ្ចប់តំបន់ក្រហមមួយចំនួននៅក្រុងភ្នំពេញនាពេលថ្មីៗនេះ និងផ្អាកដំណើរការកាស៊ីណូ-ក្លឹបកំសាន្ត និងល្បែងស៊ីសងខុសច្បាប់គ្រប់ប្រភេទ។ល។ ក្នុងការទប់ស្កាត់ ក្នុងអំឡុងពេលមានវិបត្តិកូវីដ-១៩ នៃព្រឹត្តិការណ៍សហគមន៍ ២០កុម្ភ: រួចមក ស្រាបតែឥលូវនេះមានទីតាំងវង់ល្បែងបញ្ជល់មាន់ខុសច្បាប់តាមទូរទស្សន៍អនឡាញកំពុងបើកលេងយ៉ាងពេញបន្ទុក មួយកន្លែងចំណុចខាងក្រោយមន្ទីរពេទ្យ ឡាំង ប៉ុនថង ស្ថិតនៅភូមិជម្ពូវ័ន សង្កាត់ចោមចៅ.៣ ខណ្ឌពោធិ៍សែនជ័យ រាជធានីភ្នំពេញ អាជ្ញាធរមានសមត្ថកិច្ច មិនហ៊ានធ្វើការបង្ក្រាប!!

បច្ចុប្បន្ននេះយើងគ្រប់គ្នាប្រាកដបានដឹងយ៉ាងច្បាស់ហើយដែលការណែនាំនូវវិធានការរបស់ក្រសួងសុខាភិបាល និងអនុវត្តតាមអនុសាសន៍ដ៍ខ្ពង់ខ្ពស់របស់សម្ដេចតេជោ បីកុំ បីការពារ

ស្រាប់តែនាពេលថ្មីៗនេះមហាជនសង្កេតឃើញកន្លែងទីតាំងវង់ល្បែងខុសច្បាប់នៅសង្កាត់ចោមចៅ.៣ ខណ្ឌពោធិ៍សែនជ័យ មិនដូច សង្កាត់ ខណ្ឌ ដទៃទៀតឡើយ អាចបើកលេងល្បែងយ៉ាងពេញបន្ទុក ក្នុងពេលផ្ទុះជំងឺ កូវីដ-១៩,បានយ៉ាងរលូន?

យោងតាមសម្ដីពីពលរដ្ឋដែលរស់នៅម្តុំនោះបានឲ្យដឹងថា÷ពួកគាត់មានកង្វល់ និងការភ័យខ្លាចអំពីបញ្ហាខ្លាចឆ្លងជំងឺ កូវីដ-១៩ ពីពួកអ្នកដែលមកលេងល្បែងនៅទីកន្លែងនេះធ្វើឲ្យភ័យខ្លាចអំពីអសន្តិសុខសង្គមដូចជាអំពើលួចឆក់ប្លន់ និងអំពើហិង្សាជាដើម។
អ្វីដែលសំខាន់ជាងនេះ ពួកគាត់នាំគ្នាលើកឡើងថា អាជ្ញាធរមានសមត្ថកិច្ចកំពុងតែរវល់ក្នុងការទប់ស្កាត់ការរីករាលដាលជំងឺ កូវិដ-១៩ ឲ្យមានប្រសិទ្ធភាព ប៉ុន្តែភ្លេចគិតអំពីភូមិ ឃុំ សង្កាត់ មានសុវត្ថិភាព ជូនពួកគាត់អស់ហើយមើលទៅ?

ដូច្នេះប្រជាពលរដ្ឋនាំគ្នាសូមណុំពរមកដល់ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ជាពិសេស លោកឧត្តមសេនីយ៍ឯក ស ថេត អគ្គស្នងការរង ជាស្នងការ នៃស្នងការដ្ឋាននគរបាលរាជធានីភ្នំពេញ គួរតែមានវិធានការចាត់កម្លាំងក្រោមឱវាទ ចុះត្រួតពិនិត្យកន្លែងទីតាំងវង់ល្បែងខុសច្បាប់ដែលកំពុងបើកលេងស្ថិតនៅភូមិខាងលើនេះដើម្បីមានវិធានការទប់ស្កាត់ចាត់កម្លាំងជំនាញចុះធ្វើការបង្ក្រាបតាមគោលនយោបាយភូមិ ឃុំ សង្កាត់ ឲ្យមានសុវត្ថិភាព៕