ខេត្តមណ្ឌលគិរី: សត្វព្រៃប្រភេទដ៍កម្រដែលមន្ត្រីបរិស្ថានបានរកឃើញ នៅតាមផ្ទះប្រជាពលរដ្ឋចិញ្ចឹមខុសច្បាប់ ដោយធ្វើការបន្យល់នែនាំពីមន្ត្រីជំនាញអភិរក្សសត្វព្រៃ ដល់ពួកគាត់ឲ្យយល់ដឹងក្នុងការបបាញ់ និងដាក់អន្ទាក់យកសត្វព្រៃមកបរិភោគ និងចិញ្ចឹមគឺជាទង្វើខុសច្បាប់។ ហើយក៍ត្រូវបានពួកគាត់យល់ដឹងព្រមប្រគល់សត្វព្រៃចំនួន៣ក្បាល ឲ្យមកមន្រ្តីបរិស្ថានយកមកប្រលែងឲ្យរស់នៅក្នុងព្រៃធម្មជាតិវិញ នៅក្នុងទឹកដីខេត្តមណ្ឌលគីរី នៅវេលាយប់ថ្ងៃទី២៨ ខែកុម្ភៈ ឆ្នាំ២០២១។ ក្រោយទទួលការថែទាំ និងពិនិត្យសុខភាពឃើញថា សត្វព្រៃទាំង៣ក្បាលនេះ មានសុខភាពល្អប្រសើរ ដែលអាចឲ្យពួកវាចូលទៅរស់នៅក្នុងជម្រកព្រៃធម្មជាតិវិញបាន។

បើតាមមន្ត្រីបរិស្ថានអភិរក្សសត្វព្រៃបានឲ្យដឹងថា: សត្វព្រៃទាំង៣ក្បាលខាងលើនេះ រួមមាន ១.សត្វកំប្រុកស្លាបធំចំនួន១ក្បាល ទទួលបានពីប្រជាពលរដ្ឋរស់នៅឃុំពូជ្រៃ, ២.សត្វព្វាំងចំនួន១ក្បាល ទទួលបានពីប្រជាពលរដ្ឋរស់នៅស្រុកអូររាំង និង៣.សត្វពស់ថ្លានចំនួន១ក្បាល ទទួលបានពីប្រជាពលរដ្ឋរស់នៅរាជធានីភ្នំពេញ។
មន្ត្រីបរិស្ថានដដែលបានបញ្ជាក់ថា: ជាមួយនឹងការលែងសត្វព្រៃឲ្យចូលទៅរស់នៅក្នុងព្រៃធម្មជាតិវិញខាងលើនេះ មន្រ្តីបរិស្ថានក៏សូមកោតសរសើរដល់ទឹកចិត្តប្រពលរដ្ឋដែលបានយល់ដឹងខ្ពស់ និងចូលរួមការពារ ថែរក្សា និងអភិរក្សសត្វព្រៃ ដើម្បីឲ្យបានគង់វង្ស និងបញ្ចប់នូវការបរបាញ់យកមកបរិភោគ និងដាក់អន្ទាក់យកមកចិញ្ចឹមជាដើម៕

ដោយ:ជួន សារ៉ាន