សិប្បកម្មកែច្នៃឈើអត់ច្បាប់អនុញ្ញាត្តចំនួន២ កន្លែង ត្រូវសមត្ថកិច្ចចម្រុះចុះបង្ក្រាប ឯម្ចាស់និងជាងរត់បាត់សមត្ថកិច្ចរឹបអូសឈើ គ្រឿងសង្ហារឹមម និងឧបករណ៍មួយចំនួន
ខេត្តព្រះវិហារ: សិប្បកម្មកែច្នៃឈើខុសច្បាប់ពីរកន្លែងត្រូវបានកម្លាំងចម្រុះ ដឹកនាំដោយនាយខណ្ឌរដ្ឋបាលព្រៃឈើខេត្ត ចុះបង្ក្រាបរោងសិប្បកម្ម កែឆ្នៃឈើខុសច្បាប់នេះ កាលពីរសៀលថ្ងៃទី២៧ខែវិច្ឆិកា ឆ្នាំ២០២១ ស្ថិតនៅភូមិសែនតេជៈ ឃុំមរកត ស្រុកជាំក្សាន្ត ខេត្តព្រះវិហារ ។
មន្រ្តីខណ្ឌរដ្ឋបាលព្រៃឈើខេត្តព្រះវិហារ បានឲ្យដឹងថា រាល់កាការដឹកជញ្ជូនើ យកមកចូលស្តុបទីតាំងសិប្បកម្មកែច្នៃឈើខាងលើ ដែលមិនមានច្បាប់អនុញ្ញាតនោះ គឺត្រូវតែបង្ក្រាប មិនលើកលែង ជាដាច់ខាត។ ចំណែកនាយខណ្ឌរដ្ឋបាលព្រៃឈើ កក៍បានឱ្យដឹងដែរថាដោយលោកបានទទតួលព័ត៌មានពីប្រជាពលរដ្ឋ រាយការណ៍ពីសកម្មភាពលួចបើកសិប្បកម្មកែច្នៃខុសច្បាប់ទាំងនេះ ដោយមិនមានច្បាប់ចេញដោយរដ្ឋបាលព្រៃឈើឡើយ ទើបលោកបានដឹកនាំកម្លាំង ផ្នែក និងសង្កាត់រដ្ឋបាលព្រៃឈើ សហការជាមួយ នគរបាលប៉ុស្តិ៍រដ្ឋបាលមរកត ចុះបង្ក្រាបដល់ទីតាំងសិប្បកម្មកែឆ្នៃឈើ អត់ច្បាប់ចំនួន ២ កន្លែងនេះ។
លោកនាយផ្នែកបានឲ្យដឹងទៀតថាជាលទ្ធផល ក្នុងកាចុះបង្ក្រាបទីតាំងសិប្បកម្មឈើ អត់ច្បាប់ខាងលើនោះ សមត្ថកិច្ចជំនាញ បានដកហូតវត្ថុតាង មានម៉ាស៊ីន, តាបម៉ូទ័រឈួសឈើ ដែលបម្រើឲ្យបទល្មើស គ្រឿងសង្ហារឹមមួយចំនួន រួមនឹងឈើមួយចំនួនធំផងដែរ រីឯម្ចាស់សិប្បកម្មនិងកម្មករដឹងខ្លួនមុន ដាក់មេប្រូច រត់គេចខ្លូនបាត់អស់។ ចំពោះវត្ថុតាង រួមនឹងឈើអារច្រៀកជាច្រើនម៉ែត្រគូបត្រូវបានមន្ត្រី ដឹកយកទៅរក្សាទុក នៅផ្នែករដ្ឋបាលព្រៃឈើជាំក្សាន្ត នៅមិនទាន់បញ្ជាក់ចំនួនម៉ែត្រគូបនៅឡើយទេ មន្ត្រីជំនាញកំពង់កសាងសំណុំរឿង ចាត់ការបន្តតាមនីតិវិធី ៕
ដោយ:គេហទំព័រ.នាគមាស
