ខេត្តស្ទឹងត្រែង: នៅព្រឹកថ្ងៃអាទិត្យថ្ងៃទី១៧ ខែតុលា ឆ្នាំ២០២១ លោកស្វាយ សំអ៊ាង អភិបាលនៃគណៈអភិបាលខេត្ត បានដឹកនាំមន្ទីរ អង្គភាពជំនាញពាក់ព័ន្ធ ចុះពិនិត្យវឌ្ឍនភាពការដ្ឋានសាងសង់ស្ពានបេតុងមួយកន្លែង ស្ថិតក្នុងភូមិបាដើម ឃុំសាមឃួយ ស្រុកសេសាន ខេត្តស្ទឹងត្រែង: ដែលជាគម្រោង របស់រាជរដ្ឋាភិបាល តាមរយៈមន្ទីរសាធារណការ និងដឹកជញ្ជូនខេត្ត ដោយមានប្រវែង ៦០ម៉ែត្រ ទទឹង៨ម៉ែត្រ គ្រោងនឹងបញ្ចប់ការដ្ឋានសាងសង់នៅចុងខែធ្នូ ឆ្នាំ២០២១នេះ។ បន្ទាប់មកលោកអភិបាលខេត្ត បានអញ្ចើញបន្តចុះពិនិត្យស្ថានីយ៍ស្រាវជ្រាវ ភ្ញាស់កូនត្រី និងបង្កាត់ពូជត្រី ស្ថិតនៅក្នុងសង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង។

ក្នុងឱកាសនេះផងដែរ លោកអភិបាលខេត្ត បានមានប្រសាសន៍ថា ស្ថានីយ៍ស្រាវជ្រាវ និងផលិតកូនត្រីពូជ នឹងសម្ពោធដាក់ឲ្យដំណើរការជាផ្លូវការនៅចុងឆ្នាំ២០២១ ខាងមុខនេះដែរ ហើយស្ថានីយ៍នេះនឹងអាចរួមចំណែកបង្កើនបាន ពូជកូនត្រី ជាច្រើនប្រភេទ ពិសេសអភិរក្សនៃត្រីប្រភេទមេពូជ ដែលកម្រៗ ដែលមានក្នុងខេត្តស្ទឹងត្រែង និងបានបង្កើតបាននូវផលស្តុកត្រីធម្មជាតិ នៅក្នុងខេត្តស្ទឹងត្រែងឡើងវិញផងដែរ។

ក្មុងនោះផងដែរលោកទុំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្ត ក៍បានបញ្ចាក់ដែរថា: ការសាងសង់ស្ថានីយ៍ ស្រាវជ្រាវ និងផលិតកូនត្រីពូជនេះ បានបង្កើតឡើងតាមគម្រោងគ្រប់គ្រងធនធានទឹកចម្រុះទន្លេមេគង្គ(ដំណាក់កាលទី៣)សមាសសភាគទី១ របស់អង្គការ The world Bank។ ហើយនេះក៏ជាប្រវត្តិសាស្រ្តថ្មី មួយសម្រាប់បងប្អូនអ្នកខេត្តស្ទឹងត្រែងរង់ចាំ នូវការបង្កើតឲ្យមានស្ថានីយ៍ស្រាវជ្រាវ និងផលិតកូនត្រីពូជ ប្រចាំនៅភូមិភាគឥសាន នៃប្រទេសកម្ពុជាយើងនេះ ដើម្បីកាត់បន្ថយកានេសាទខុសច្បាប់ តាមតំបន់អភិរក្ស ជាពិសេសក្នុងរដូវបិតនេសាទ វាធ្វើឲ្យប:ពាល់ដល់ត្រីមេពូជ និងត្រីកំពង់ពងផងដែរ ដែលធ្វើឲ្យបាត់បង់នូវពូជត្រីថែមទៀតផង។ ដោយ:ជួន សារ៉ាន