(ខេត្តបន្ទាយមានជ័យ):ស្រុកម៉ាឡៃ
រថយន្តនីសាន់បុករថយន្តសាំយ៉ុងលាន់ដូចរន្ទះបណ្តាលឲ្យមនុស្សស្លាប់១នាក់និងរបួសធ្ងន់ស្រាល៤នាក់ នៅវេលាម៉ោង២១,១៥នាទីយប់ថ្ងៃទី ៤ខែមិថុនាឆ្នាំ២០២០ លើផ្លូវជាតិលេខ៥៩ ចន្លោះបង្គោលគីឡូម៉ែតលេខ ១៨-១៩ ស្ថិតនៅភូមិបន្ទាយទី១ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។
តាមរបាយការណ៍របស់សមត្ថកិច្ចនគបាលចរាចណ៍ផ្លូវគោកស្រុកម៉ាឡៃ បានឲ្យសារព័ត៍មានដឹងថា មុនពេលកើតហេតុ មានរថយន្តម៉ាកសាំយ៉ុង ពណ៌សំបកឳឡឹកស្លាកលេខ ភ្នំពេញ 2AL-0475 បើកដោយឈ្មោះ ផា ភេទប្រុស អាយុ៣៨ឆ្នាំ រស់នៅភូមិតាដុង ឃុំដូនកឹង ស្រុកកំចាយមា ខេត្តព្រៃវែង បើកក្នុងពីលិចទៅខាងកើតនិងមានអ្នករួមដំណើរម្នាក់ឈ្មោះ ស៊ុន ម៉ូល ភេទប្រុស អាយុ៣៩ឆ្នាំរស់នៅភូមិឃុំនិងគ្នាលុះបើកមកដល់ចំណុចកើតហេតុស្រាប់តែមានរថយន្ត Nissan Frontier ពណ៌ស ផ្លាក់លេខ បាត់ដំបង 2B-7518 បើកដោយឈ្មោះ ឈុន តៅ ភេទប្រុស អាយុ៣២ឆ្នាំរស់នៅភូមិក្បាលទំនប់ ឃុំអូរសំព័រ ស្រុកម៉ាឡៃ ខេត្តបន្ទាយមានជ័យ បើកពីកើតទៅខាងលិចច្រាសទិសគ្នាបើកមកដល់ចំណុចកើតហេតុស្រាប់តែរ៉េចង្កូតបុករថយន្តសាំយ៉ុងចំពីមុខបណ្តាលឲ្យអ្នកបើករថយន្តសាំយ៉ុងស្លាប់១នាក់និងរបួស ធ្ងន់ ស្រាល៤នាក់។សមត្ថកិច្ចបានបញ្ជាក់ថាអ្នកបើកខាងរថយន្តNissan Frontier របួសធ្ងន់៣នាក់
១ ឈ្មោះ ឈាង នៀត ភេទស្រី អាយុ ៣២ ឆ្នាំ
២ឈ្មោះ ឈាង គឹមស្រៀង ភេទប្រុស អាយុ១៥ឆ្នាំ
៣ឈុន តៅ ភេទប្រុស អាយុ៣២ឆ្នាំ ។
ចំណែកអ្នកបើករថយន្តសាំយ៉ុងស្លាប់នៅនឹងកន្លែងឈ្មោះ ផា ភេទប្រុសអាយុ៣៨ឆ្នាំ និងឈ្មោះ ស៊ុន ម៉ូល ភេទប្រុស អាយុ៣៩ឆ្នាំ របួសស្រាល។សមត្ថកិច្ចបានបន្តឲ្យសារព័ត៍មានដឹងទៀតថាមូលហេតុបណ្តាលមកពីរថយន្ត ម៉ាកNissan Frontierបើកល្បឿនលឿនក្នុងស្ថានភាពផ្លូវកោងខ្វះការប្រុងប្រយ័ត្នទើបបណ្តាលឲ្យមានគ្រោះថ្នាក់បែបនេះ។ កម្លាំងនគរបាលជំនាញចរាចរណ៍ផ្លូវគោកបានយកវត្ថុតាងរថយន្តទាំង២គ្រឿងមករក្សាទុកនៅអធិការដ្ឋាននគរបាលស្រុកម៉ាឡៃរងចាំធ្វើការដោះស្រាយនៅពេលក្រោយចំណែកអ្នករបួសត្រូវបាននគរបាលដឹកទៅមន្ទីរពេទ្យដើម្បីសង្គ្រោះសពក្រុមគ្រួសារយកទៅធ្វើបុណ្យតាមប្រពៃណី៕