(បន្ទាយមានជ័យ)៖ នៅព្រឹកថ្ងៃទី០២ ខែមិថុនា ឆ្នាំ២០២០ លោក គឹង វណ្ណៈ អភិបាលរងខេត្តបន្ទាយមានជ័យ អមដំណេីរដោយ លោក ឧត្តមសេនីយ៍ទោ ច័ន្ទ រដ្ឋា មេបញ្ជាការងយោធភូមិភាគទី៥ ទទួលបន្ទុកការងារព្រំដែន លោក ឧត្តមសេនីយ៍ទោ ពេជ្រ វណ្ណា ប្រធានការិយាល័យទំនាក់ទំនងព្រំដែនកម្ពុជា-ថៃ លោក គាត ហ៊ុល អភិបាលក្រុងប៉ោយប៉ែត បានបន្តដឹកនាំអាជ្ញាធរ និងមន្ត្រីជំនាញពាក់ព័ន្ធ ចុះពិនិត្យតាមដានស្ថានការណ៍ក្នុងភូមិសាស្រ្តក្រុងប៉ោយប៉ែត ចំណុចច្រកទ្វារព្រំដែនអន្តរជាតិកម្ពុជា-ថៃ។ សូមរម្លឹកថា កាលពីថ្ងៃទី២៦ ខែឧសភា ឆ្នាំ២០២០ កន្លងទៅ នេះ រដ្ឋាភិបាលថៃបានសម្រេចបន្តដាក់ប្រទេសក្នុងគ្រាអាសន្នដំណាក់កាលទី៣ រយៈពេល ១ខែ បន្ថែមទៀត ចាប់ពីថ្ងៃទី០១ ដល់ទី៣០ ខែមិថុនា ឆ្នាំ២០២០ ដើម្បីទប់ស្កាត់ និងការពារការរីករាលដាលនៃជំងឺកូវីដ-១៩ ក្នុងប្រទេសថៃ ។ ហេតុដូច្នេះ ព័ត៌មានបំពុលសង្គមដែលថា "នៅព្រឹកថ្ងៃទី០១ ខែមិថុនា ឆ្នាំ២០២០ អាជ្ញាធរថៃប្រកាសឱ្យដំណើរការច្រកទ្វារព្រំដែនអន្តរជាតិប៉ោយប៉ែតឡើងវិញ ដោយអនុញ្ញាតឱ្យបងប្អូនប្រកបរបរអូសរទេះអាចចេញ-ចូលក្នុងមួយរទេះមានគ្នាពីរនាក់ គឺជាព័ត៌មានមិនពិតឡេីយ" ដោយរដ្ឋបាលក្រុងប៉ោយប៉ែតបានចេញសេចក្តីប្រកាសព័ត៌មានបដិសេធទាំងស្រុងចំពោះព័ត៌មានខាងលេី ហេីយរដ្ឋាភិបាលថៃ នៅតែបន្តបិទមិនអនុញ្ញាតឲប្រជាពលរដ្ឋធ្វេីការចេញ-ចូលបានឡេីយ។ អាស្រ័យហេតុនេះ សូមបងប្អូនប្រជាពលរដ្ឋក្នុងក្រុងប៉ោយប៉ែតទាំងអស់ និងសាធារណជនមេត្តាជ្រាបជាព័ត៌មាន៕
ព័ត៌មានគួរចាប់អារម្មណ៍
លោក ខេម រៈសេរីមន្ត និងក្រុមហ៊ុន ប៉ាងណាគ្រី រៀលអ៉ីស្ទេត ឯ.ក ចាប់ដៃជាមួយ ពុះដីឡូលក់លើផ្ទៃដីជាង២០០ហិកតា នៅតំបន់ជាយដែន ស្រុកម៉ាឡៃ (សហការី)
ដីព្រៃរបស់រដ្ឋជិត១០០ហិចតា ក្នុងតំបន់ប្រើប្រាស់ច្រើនយ៉ាងដងពែង កំពុងរងការបំផ្លាញយ៉ាងអាណាធិបតេយ្យ ពីសំណាក់ឈ្មួញខិលខូច (សហការី)
ជាមួយកម្លាំងចម្រុះ បានឃាត់ខ្លួនជនជាតិថៃចំនួន០៧នាក់ ក្នុងនោះប្រុស០១នាក់លួចឆ្លងដែនពីប្រទេសថៃចូលមកប្រទេសកម្ពុជាដោយខុសច្បាប់!!! (សហការី)
រដ្ឋបាលខេត្តកោះកុងបន្តទទួល ការឧបត្ថម្ភពីសប្បុរសជននានាជាបន្តបន្ទាប់ (សហការី)
មេខ្សល់ចំនួន២នាក់ក្រោយពីសមត្ថកិច្ចចាប់ខ្លួនបាននិងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមនិតិវិធីច្បាប់ ()
វីដែអូ