ខេត្តបាត់ដំបង: ស្រុកបវេល
លោកវរសេនីយ៍ទោ សុខ សារិន អធិការនគរបាលស្រុកបវេលបានឲ្យសារព័ត៍មានដឹងថា ហេតុការណ៍គួរឲ្យភ្ញាក់ផ្អើលខាងលើនេះបានកើតឡើងនៅវេលាម៉ោង១០និង៣០នាទី ថ្ងៃទី៣០ ខែឧសភា ឆ្នាំ២០២០ បណ្តាលឲ្យបុរសម្នាក់បានរងរបួសធ្ងន់ត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យដើម្បីជួយសង្រោះជីវិតក្រោយពីបើកត្រាក់ទ័រភ្ជួរដីស្រែប៉ះចំមីនតោនបណ្តាលឲ្យផ្ទុះឡើង នៅចំណុចក្រុមទី១១ ភូមិអន្លង់រាំង ឃុំឃ្លាំងមាស ស្រុកបវេល ខេត្តបាត់ដំបង។ ប្រភពពីប្រជាពលរដ្ឋនៅកន្លែងកើតហេតុត្រូវបានរាយការណ៍ឲ្យសារព័ត៍មានដឹងថា នៅមុនពេលកើតហេតុជនរងគ្រោះឈ្មោះ រឿត ថេត ភេទប្រុស អាយុ២៥ឆ្នាំ មានទីលំនៅភូមិសំរោងជ័យ ឃុំបវេល ស្រុកបវេល ខេត្តបាត់ដំបង បានយកត្រាក់ទ័រ ម៉ាកkubota ស៊ីឈ្នួលភ្ជួរដីស្រែឲ្យឈ្មោះ លឹម អូន នៅចំណុចកើតហេតុខាងលើ ខណៈដែលកំពុងភ្ជួរសុខៗក៏ស្រាប់តែប៉ះចំមីនតោនបង្កឲ្យផ្ទុះឡើងបណ្តាលអ្នកបេីកបររត្រាក់ទ័រងរបួសធ្ងន់ ចំណែកត្រាក់ទ័រខូចខាតមួយកំណាត់ផ្នែកខាងមុខផងដែរ។ក្រោយពេលកើតហេតុសមត្ថកិច្ចបានចុះទៅធ្វើការត្រួតពិនិត្យចំណែកជនរងគ្រោះក៏ត្រូវបានក្រុមគ្រួសារដឹកទៅសង្គ្រោះព្យាបាលនៅមន្ទីពេទ្យបវេល១ ស្ថិតក្នុងស្រុកបវេល ខេត្តបាត់ដំបង៕
មកទល់ពេលនេះសារព័ត៍មានមិនទាន់ដឹងនៅឡើយទេថាតើជនរងគ្រោះមានស្ថានភាពយ៉ាងណានោះ។