ត្បូងឃ្មុំ ៖ ល្បែងស៊ីសង ប្រជល់មាន់ ល្បែងយូគីនឹងអាប៉ោងដុះស្លែមួយកន្លែងនៅច្រកចូលដូងប្រាំពីដើម នៅខេត្តត្បូងឃ្មុំសង្ស័យសែនត្រូវពីក្រោមដល់លើអស់ហើយ បានដំណើរទៅយ៉ាងរលូនជារៀងរាល់ថ្ងៃគ្មានសមត្ថកិច្ចឬអាជ្ញាធរ ណាហ៊ានចុះបង្រ្កាប។នៅចំណុចច្រកដូង៧ដើម ស្ថិតក្នុងភូមិដា ឃុំដា ស្រុកមេមត់ខេត្តត្បូងឃ្មុំ។

ប្រភពពីពលរដ្ឋបានឲ្យអ្នកសារព័ត៌មានយើងដឹងថា! សង្វៀនជល់មាន់នឹងល្បែងយូគី អាប៉ោងដុះស្លែរ មួយកន្លែងនេះដែលគេស្គាល់ឈ្មោះថា!
ទី១ ឈ្មោះ ហេង និងទី២ ឈ្មោះលឹមជាអ្នកមើលការទទួលខុសត្រូវនៅកន្លែងនោះ។
ពលរដ្ឋបន្តរទៀតថា! ទោះបីជាមានអ្នករាយការណ៍ទៅសមត្ថកិច្ចរឺអាជ្ញាធរ យ៉ាងណាក៏សង្វៀនមួយកន្លែងនេះ នៅតែបន្តរយ៉ាងរលូនហើយ ពលរដ្ឋខ្លះទៀតនិយាយថា! កន្លែងមួយនេះ ម្ចាស់សង្វៀនគេរត់ការពីថ្នាក់ក្រោមដល់ថ្នាក់លើអស់ហើយ។ពលរដ្ឋមានការព្រួយបារម្ភពីបញ្ហាសន្តិសុខសុវត្តិភាព ដោយសារ តែល្បែងជាដើមចមនៃអំពើ លួច ឆក់ ប្លន់ និងកាប់សម្លាប់ជាដើម។

បើទោះបីសម្ដេចក្រឡាហោម ស ខេង ឧបនាយករដ្ឋមន្រ្តី និង
ជារដ្ឋមន្រ្តីក្រសួងមហាផ្ទៃខំស្រែកយ៉ាងណាក៏ដោយ។ តែសមត្ថកិច្ចនឹងអាជ្ញាធរខេត្តត្បូងឃ្មុំកុំពុងតែប្រឆាំងនឹងអនុសាសន៍ របស់សម្តេចដែលចេញ ដល់ស,ជ,ណទៀត។
គួររំលឹកថា ស,ជ,ណ ដែលចេញដោយទីស្តីការគណៈរដ្ឋមន្រ្តីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្តកាសុីណូ រាល់ល្បែងសុីសងគឺដាច់ខាតគ្មានសង្វៀនល្បែងភ្នាល់ជល់មាន់ ឬបក្សីកីឡានោះទេ ម្យ៉ាងទៀតភ្ញៀវខ្មែរ មិនត្រូវបានអនុញ្ញាតឲ្យចូលលេងល្បែងកាសុីណូនោះដែរ។ រីឯទីកន្លែងដែលអាចសាងសង់កាសុីណូគឺអាចមានតែតាមច្រកព្រំដែនអន្តរជាតិតែប៉ុណ្ណោះ មិនអនុញ្ញាតឲ្យដាក់ទីតាំងតាមច្រកតំបន់និងច្រករបៀងទេ។

ជុំវិញរឿងល្បែងសុីសងខាងលើនេះលោក ឧត្តមសេនីយ៍ ប៉ែន រ័ត្នស្នងការខេត្តត្បូងឃ្មុំ និងលោកអភិបាលខេត្តត្បូងឃ្មុំ នៅព្រឹកថ្ងៃទី១៣ ខែកុម្ភៈ ២០២០ អង្គភាពសារព័ត៌មានយើងមិនអាចទំនាក់ទំនងសុំការបំភ្លឺបានទេ ជុំវិញចំណាត់ការបង្ក្រាបល្បែងស៊ីសងមួយនេះ៕